नंदुरबार l प्रतिनिधी
सिने रसिकांचे आवडते अमर सिनेमागृह दिनांक 15 जुलैपासून पुन्हा एकदा नव्या अत्याधुनिक स्वरूपात रसिकांच्या सेवेत दाखल झाले आहे.
सन 1977 पासून सुरू झालेले अमर सिनेमागृह नंदुरबार शहर आणि जिल्ह्यातील रसिकांसाठी मध्यवर्ती मनोरंजनाचे ठिकाण ठरले. त्याच जागेवर भव्य इमारतीत दोन पडदा असलेले स्वतंत्र सिनेमा हॉल सुरू करण्यात आले आहेत.
संपूर्ण वातानुकूलित सिनेमागृहात आरामदायी आसन व्यवस्था, डॉल्बी डिजिटल साऊंड सिस्टीम, थ्रीडी स्क्रीन, कॅन्टीनसह प्रशस्त पार्किंगची सोय तसेच बुक माय शोद्वारे ऑनलाइन तिकीट बुकिंग व प्रत्यक्ष सिनेमागृहात ऑफलाइन तिकीटची सुविधा उपलब्ध करण्यात आली आहे.
दोन्ही पडदा सिनेमा हॉलमध्ये दररोज दुपारी 12 आणि 3 तसेच सायंकाळी 6 व रात्री 9 याप्रमाणे स्वतंत्र चार खेळाद्वारे सिनेमा प्रदर्शित होणार आहेत. कोरोना काळातील दोन वर्षाच्या खंडानंतर रसिक श्रोत्यांना आता मराठी आणि हिंदी सिनेमांची मेजवानी मिळणार आहे . सिने रसिकांनी नव्या स्वरूपातील अमर सिनेमागृहात भेट देण्याचे आवाहन अमर चित्र मंदिर परिवाराने केले आहे.
