नंदूरबार l प्रतिनिधी
नवापूर तालुक्यातील खांडबारा परिसरातील मोटारसायकल चोरी करणारी टोळी विसरवाडी पोलीसांच्या जेरबंद केली असून त्यांच्या ताब्यातून ४ मोटारसायकली जप्त केल्या आहेत.
याबाबत अधिक माहिती अशी की, नवापूर तालुक्यातील खांडबारा येथील रहीवासी राजेंद्र युवराज जगताप हे त्यांचे राहते घरी झोपलेले असतांना त्यांच्या मालकीची हिरो होंडा स्पेल्डर प्रो . कंपनिची मोटारसायकल (क्र . GJ 19 S 9663) त्यांचा घराबाहेर लावलेली असतांना मध्यरात्रीच्या सुमारास कुणीतरी अज्ञात इसमाने ती लबाडीच्या व चोरीच्या इराद्याने चोरुन नेली .
याबाबत फिर्यादी यांनी अज्ञात इसमाविरुद्ध विसरवाडी पोलीस ठाण्यात 6 जुलै 2022 रोजी तक्रार दिली होती . खांडबारा परिसरात होणाऱ्या चोरीच्या घटनांचे वाढते प्रमाण व घटनेचे गांभिर्य पाहता पोलीस अधिक्षक पी . आर . पाटील यांनी विसरवाडी पोलीस स्टेशन प्रभारी अधिकारी नितीन पाटील यांना घटनेबाबत व चोरट्यांना पकडण्याबाबत मार्गदर्शन केले .
सदर तक्रारीच्या अनुषंगाने सपोनि नितीन पाटील , पोउपनि भुषण बैसाणे खांडबारा दुरक्षेत्र येथील पोहेकॉ सुरेश मोरे , पोकॉ प्रविण अहीरे , पोकॉ भुषण चित्ते , पोकॉ योगेश्वर मराठे , पोहकॉ मनोहर बोरसे , पोना राजु कोकणी यांनी खांडबारा गावातील व इतर इसमांना विचारपुस केली .
तसेच गोपनिय बातमीदारांकरवी माहीती काढुन संशयित आरोपी लक्ष्मण अशोक वळवी , राकेश दिलवर कोकणी , दोन्ही रा . बिज्यादेवी , ता . नवापुर यांना शिताफीने ताब्यात घेतले .
सदर आरोपीतास ताब्यात घेता पोलीस खाक्या दाखविताच संशयित आरोपीतांनी चोरलेली मोटारसायकल ही संशयित आरोपी शंकर रमेश चौधरी , रा . आश्रावा , कुकरमुंडा , जि . तापी ( गुजरात राज्य ) यास दिली असल्याबाबत सांगीतल्याने सपोनि नितीन पाटील यांनी पथक तयार करुन अक्कलकुवा मोलगी परिसरात पाठविले असता सदर संशयित
आरोपीताकडुन एकुण 4 मोटारसायकल हस्तगत करण्यात पथकास यश आले आहे .
इतर चोरी झालेल्या 3 मोटारयासकली या संशयित
आरोपीतांनी सोनगड ( गुजरात ) , करण चौफुली , नंदुरबार व रनाळे , ता.जि. नंदुरबार येथुन चोरी केल्या असल्याचे कबुल केले आहे . सदर आरोपीतांबाबत अधिकची माहीती काढली असता त्यांच्यावर राज्यात मोटारसायकल चोरीचे गुन्हे दाखल असल्याबाबत माहीती मिळाली आहे .
सदरची कारवाई ही पोलीस अधिक्षक पी . आर . पाटील, अपर पोलीस अधिक्षक विजय पवार, उपविभागीय पोलीस अधिकारी सचिन हिरे यांच्या सुचना व मार्गदर्शनाखाली विसरवाडी पोलीस स्टेशनचे प्रभारी अधिकारी नितीन एस . पाटील , पोउपनि भुषण बैसाणे व विसरवाडी पोलीस अंमलदार यांनी केलेली आहे .
