मुंबई l प्रतिनिधी
राज्य सरकारने ओबीसी आरक्षणाशिवाय १७ जिल्ह्यांमधील तब्बल ९२ नगरपालिकांच्या निवडणुका जाहीर केल्या आहेत .यात नंदूरबार जिल्ह्यातील शहादा नगरपालिकेसाठी १८ ऑगस्ट रोजी मतदान तर लगेच दुसऱ्या दिवशी म्हणजे १ ९ ऑगस्ट रोजी मतमोजणी करुन निकाल जाहिर केले जाणार आहेत .
याबाबत अधिक माहिती अशी की, ओबीसी आरक्षणाशिवाय १७ जिल्ह्यांमधील तब्बल ९२ नगरपालिकांच्या निवडणुका जाहीर करण्यात आल्या आहेत . पर्यन्यमान कमी असलेल्या १७ जिल्ह्यांमधील ९२ नगरपालिका व ४ नगरपंचायतींच्या निवडणूकींचा कार्यक्रम राज्य निवडणूक आयोगाने आज जाहिर केला .
यात नंदूरबार जिल्ह्यातील शहादा नगरपालिकेसाठी निवडणूक जाहीर करण्यात आली आहे.या निवडणूकीची प्रक्रीया 20 जुलैपासून सुरु होणार असून १८ ऑगस्ट रोजी मतदान होणार आहे . तर लगेच दुसऱ्या दिवशी म्हणजे १९ ऑगस्ट रोजी मतमोजणी करुन निकाल जाहिर केले जाणार आहेत .
