नंदुरबार l प्रतिनिधी
राज्य शासनाच्या उच्च शिक्षण विभागामार्फत ‘मातोश्री’ शासकीय आर्थिकदृष्टया मागासवर्गीय मुलांचे वसतीगृह, होळ- मोहिदा तर्फे हवेली,ता.शहादा येथे 2022-2023 या शैक्षणिक वर्षांसाठी इयत्ता आठवी ते महाविद्यालयीन विद्यार्थ्यांना वसतिगृहात प्रवेशासाठी 31 जुलै 2022 पर्यंत अर्ज मागविण्यात येत आहे.
या शासकीय वसतिगृहात विद्यार्थ्यांना विनामूल्य निवास व भोजनाची सुविधा आहे. वसतिगृहात प्रवेश घेऊ इच्छिणाऱ्या विद्यार्थ्यांनी विहीत नमुन्यातील अर्ज 4 जुलै 2022 पासून ‘मातोश्री’ शासकीय आर्थिकदृष्टया मागासवर्गीय मुलांचे वसतिगृह,
प्रभूदत्तनगर, उंटावद, होळ- मोहिदा तर्फे हवेली ( विद्याविहीर कॉलनी ) ता.शहादा जि.नंदुरबार येथे शासकीय सुट्टी वगळून शासकीय कामकाजाच्या दिवशी उपलब्ध आहे. विद्यार्थ्यांची निवड ही गुणवत्तेनुसार करण्यात येईल. अपूर्ण तसेच मुदतीत न आलेल्या अर्जाचा विचार केला जाणार नाही असे गृहप्रमुख आर.व्ही.पावरा यांनी एका प्रसिद्धीपत्रकान्वये कळविले आहे.
