नंदुरबार l प्रतिनिधी
अक्कलकुवा तालुक्यातील मोलगी ते अक्कलकुवा रस्त्यावर दुचाकीने पादचारी तरुणास धडक दिल्याने त्याचा मृत्यू झाल्याची घटना घडली.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील पोहरा येथील कुवरसिंग अर्जुन वळवी हे मोलगी ते अक्कलकुवा रस्त्याने पायी जात होते.
यावेळी जगदिश भिमसिंग नाईक याने त्याच्या ताब्यातील दुचाकी (क्र. जी.जे. २६ एल ३७०८) रस्त्याच्या परिस्थितीकडे दुर्लक्ष करुन भरधाव वेगात ईटवाई फाट्याजवळ पायी चालणाऱ्या कुवरसिंग वळवी यांना धडक दिल्याने त्यांना गंभीर दुखापत झाल्याने मृत्यू झाला.
अपघातानंतर दुचाकी चालक घटनास्थळावरुन पसार झाला. याबाबत अर्जुन भिलजी वळवी यांच्या फिर्यादीवरुन अक्कलकुवा पोलिस ठाण्यात जगदिश नाईक याच्याविरोधात भादंवि कलम ३०४ (अ), २७९, ३३७, ३३८, मोटार वाहन कायदा कलम १३४/१८७, १८४ प्रमाणे गुन्हा दाखल करण्यात आला आहे. पुढील तपास सहाय्यक पोलिस निरीक्षक रितेश राऊत करीत आहेत.
