नंदूरबार l प्रतिनिधी
शहादा, तळोदा विधानसभा मतदार संघात दिव्यांग यांना पाच टक्के अपंग निधी मिळावा अशी मागणीचे निवेदन आ. राजेश पाडवी यांना अपंग जनता दलाचे राज्य प्रदेश उपाध्यक्ष आनंदा पाटील व पदाधिकाऱ्यांनी दिले.
शहादा, तळोदा विधानसभा मतदार संघाचे आ.राजेश पाडवी यांना देण्यात आलेल्या निवेदनात म्हटले आहे की, आपल्या मतदार संघात अपंग बांधवांची संख्या जास्त असून त्यांना आर्थिक परिस्थितीमुळे कोणताही व्यवसाय करता येत नाही, ही फारच मोठी गंभीर समस्या आहे.
अपंग बांधवांना स्वतः चा व्यवसाय करण्यासाठी त्यांना पाच टक्के निधी बेरोजगार अपंग बंधू – भगिनी यांना द्यावा ,असे मागणी पत्र सर्व अपंग जनता दल चे अधिकारी, पदाधिकारी, व सदस्य यांच्या उपस्थितीत आमदार पाडवी यांच्या कार्यालय येथे देण्यात आले.
यावेळी नारायण ठाकरे, अध्यक्ष भाजप आदिवासी मोर्चा दारासिंग वसावे, अपंग जनता दलाचे राज्य प्रदेश उपाध्यक्ष आनंदा पाटील,जिल्हा अध्यक्ष मंगेश सोनवणे,महिला जिल्हा अध्यक्ष संगीताताई भोई,
तळोदा तालुका अध्यक्ष प्रतीक्षा वसावे, जिल्हा संपर्क प्रमुख अर्जुन पाडवी, जिल्हा महासचिव विलास तांबोळी,जिल्हा सचिव सचिन जाधव, सामाजिक कार्यकर्ते सुनील मोरे,
प्रेमराज वळवी आदी सदस्य उपस्थित होते.