खापर l प्रतिनिधी
वनार्थ संस्था व ग्राम पंचायत सिसा यांच्या संयुक्त विद्यमाने सिसा येथे जागतिक पर्यावरण दिन साजरा करण्यात आला.
या वेळी सेंद्रीपाडा ते प्लॉट पाडा दरम्यान वृक्ष दिंडीचे आयोजन करण्यात आले. यावेळी
दिंडी दरम्यान पर्यावरण जनजागृती साठी वृक्ष लावा दारोदारी, समृद्धी येईल घरोघरी!,वृक्षतोड करू नका, जीवन धोक्यात टाकू नका!,कापडी पिशवी घरोघरी, पर्यावरणाचे रक्षण करी!,आता चालवा एकच चळवळ, लावा वृक्ष करा हिरवळ!,झाडे लावा, झाडे जगवा, पर्यावरणाचे रक्षण करा!इ घोषणा दिल्या गेल्या. तसेच प्लास्टिक च्या दुष्परिणामाबद्दल पत्रके वाटण्यात आली.
या कार्यक्रमासाठी गावातील नागरिकांनी मोठ्या उत्साहाने भाग घेतला व यावर्षी वृक्षारोपण करण्यास इच्छुकता दर्शवली.यावेळी विलास दादा पाडवी,भिका वळवी(कालिबेल),चांद्रसिंग पाडवी, दिवाल्या वसावे इ. व वनार्थ चे पदाधिकारी सुभाष पाडवी, विशाल पाडवी, पंडित पाडवी, मोहन पाडवी, गौतम पाडवी, इंदास पाडवी, युवराज पाडवी तसेच किसन वळवी,सुनील पाडवी,रतीलाल पाडवी, मोतीलाल पाडवी,गुरज्या पाडवी, विपुल वसावे, विरसिंग पाडवी आदी ग्रामस्थ उपस्थित होते.