नंदूरबार l प्रतिनिधी
धडगाव तालुक्यातील शिवसैनिकांसाठी नंदूरबार येथे धर्मवीर चित्रपटाचा स्पेशल शोचे आयोजन करण्यात आले होते. यावेळी 110 शिवसैनिक उपस्थित होते.
सध्या राज्यभर ठाण्याचे स्व.आनंद दिघे यांच्या जीवनावर बनलेल्या धर्मवीर चित्रपट धुमकुळ घालत आहे.नागरिक त्याला उत्स्फूर्त प्रतिसाद नोंदवत आहेत.
जिल्हा परिषदेचे कृषी सभापती तथा शिवसेना जिल्हा उपप्रमुख गणेश पराडके यांनी धडगाव तालुक्यातील शिवसैनिकांसाठी आज सकाळी 9 वाजेच्या सुमारास नंदूरबार येथे धर्मवीर चित्रपटाच्या स्पेशल शोचे आयोजन केले होते.
सातपुड्यात धडगाव शहरासह तालुक्यातील दुर्गम भागात शिवसेनेचे काम निष्ठेने करणाऱ्या कार्यकर्त्यांसाठी चित्रपटाच्या स्पेशल शोचे नंदूरबार येथील मिराज चित्रपट गृहात आयोजित करण्यात आला होता.यावेळी धडगाव तालुक्यातील 110 शिवसैनिक या वेळी उपस्थित होते.
कार्यकर्त्यांशी संवाद साधतांना जिल्हा परिषदेचे कृषी सभापती गणेश पराडके यांनी सांगितले की, शिवसेना हा 80 टक्के समाजकारण तर 20 टक्के राजकारण करणारा पक्ष आहे.
सर्व शिवसैनिकांनी सातपुड्यातील समस्या सोडवण्यासाठी पुढे यावे, तसेच सामान्य नागरिकांच्या समस्या सोडवण्यासाठी पुढे यावे असे त्यांनी यावेळी आवाहन केले.
