म्हसावद l प्रतिनिधी
जागतिक सायकल दिनानिमित्त श्रीकृष्ण माध्यमिक विद्यालय फेस ता.शहादा येथे सायकल रॅली चे आयोजन करण्यात आले होते.
नेहरू युवा केंद्र भारत सरकार नंदुरबार,युवकमित्र परीवार व श्रीकृष्ण माध्यमिक विद्यालय यांच्यामार्फत आयोजित सायकल रॅलीत विद्यार्थ्यांनी उत्स्फूर्त सहभाग नोंदवला. यावेळी शाळेचे मुख्याध्यापक किरण पाटील यांनी विद्यार्थ्यांना सायकल वापराचे फायदे व महत्व पटवून दिले.
स्वातंत्र्याच्या अमृतमहोत्सव निमित्त खेल व युवा मंत्रालय भारत सरकार तर्फ प्रत्येक जिल्ह्यात सायकल रॅलीचे आयोजन करण्याचे आवाहन करण्यात आले होते. या आवाहनाला प्रतिसाद देत जिल्हा युवा अधिकारी अर्श कौशिक यांनी युवक मंडळाना सायकल रॅली आयोजनाबाबत कळविले होते.श्रीकृष्ण माध्यमिक विद्यालयाने भव्य सायकल रॅली काढत सायकल दिनाचा संदेश उपस्थित विद्यार्थ्यांना पटवून दिले.
युवा स्वयंसेवक सुशील गव्हाणे,शाळेचे शिक्षक जयेश पाटील,जयदेव पाटील,खगेंद्र कुंभार, परेश पाटील, अनिल पटेल, हेमंत कोते यांनी रॅली यशस्वीतेसाठी प्रयत्न केले.तर मुख्या ध्यापक किरण पाटील यांनी आभार मानले.