नंदुरबार | प्रतिनिधी
अक्कलकुवा तालुक्यातील हुनाखांबचा चनवईपाडा येथे रस्त्याच्याखाली वाहन उतरल्याने झालेल्या अपघातात एकजण ठार तर सहाजण जखमी झाल्याची घटना घडली आहे.
याबाबत पोलीस सुत्रांनी दिलेल्या माहितीनुसार, अक्कलकुवा तालुक्यातील हुनाखांबचा चनवईपाडा रस्त्यावर वीजेसिंग तडवी याने त्याच्या ताब्यातील वाहन (क्र.एम.एच.१८-एस.१६९९) हे रस्त्याच्या परिस्थितीकडे दुर्लक्ष करून भरधाव वेगात चालवित असतांना वाहन रस्त्याच्याखाली उतरले.
या अपघातात फुल्या चमार्या वसावे (३२) रा.मोवाण (पोपटीबारपाडा ता.अक्कलकुवा) याचा मृत्यू झाला. या अपघातात गिरीश ईश्वर वळवी, जिजा कर्मा पाडवी, खुमानसिंग खाकर्या नाईक, सोन्या सेगा वसावे, रायसिंग ओजमा पाडवी, मोगरा सचिन पाडवी यांना दुखापत झाली.
याप्रकरणी ईश्वर गोवाल वळवी रा.बगदा (पोपटीबारपाडा ता.अक्कलकुवा) यांच्या फिर्यादीवरून विजेसिंग केल्ला तडवी रा.बगदा (पोपटीबारपाडा ता.अक्कलकुवा) याचा विरूध्द मोलगी पोलीस ठाण्यात भादंवि कलम ३०४ (अ) २७९, ३३७, ३३८ सह मोवाका कलम ३४ (ब) १८४ प्रमाणे गुन्हा दाखल करण्यात आला आहे. याप्रकरणी पुढील तपास पोलीस नाईक राजेंद्र गावीत करीत आहेत.