तळोदा l प्रतिनिधी
येथील काका शेठ गल्ली येथे शॉर्ट सर्किटमुळे आग लागून घरातील संसारोपयोगी साहित्य व पंक्चर दुकानातील साहित्य जळून खाक झाल्याची घटना घडली आहे. प्रसंगावधान राखल्याने व वेळीच अग्निशमन वाहन तात्काळ घटनास्थळी पोहोचल्यामुळे आग नियंत्रणात आणण्यात यश आले.
शुक्रवारी दुपारी 3 वाजे दरम्याने काकाशेठ गल्लीतील रहवासी रमेश विठ्ठल सागर यांच्या घरात शॉर्ट सर्किट होऊन आग लागली.
त्यांच्या शेजारी राहणारे लक्ष्मण खुशाल पिंपरे यांचे व रमेश सागर यांचे मिळून कुडाची भिंत असल्याने आगिने बघता बघता कुडाची भिंतीला कवेत घेतले, या घटनेत दोघांच्या घरातील संसरापयोगी साहित्य त्यात कपाटे, पलंग, गाधी, कपडे यासह अन्य संसारपयोगी साहित्य जाळून खाक झाले आहे.
रमेश सागर यांचा घरातच सायकल रिपेरिंगचे दुकान असल्याने दुकानात असलेल्या टायर व अन्य सामान जळून नुकसान झाले आहे. घटनेचे गांभीर्य लक्षात घेता गल्लीत राहणारे पालिकेचे कर्मचारी जगदीश सागर यांनी अग्निशमन वाहिनीला संपर्क करून तात्काळ प्रचारण करून घेतले.
अग्निशमनचे वाहन चालक कमलेश कलाल राहुल चव्हाण सुनील कोळी व शेजारील जगदीश सागर परिसरात राहणारे महेश राजकुळे, नितीन पिंपरे, विजय शेंडे, बबलू चव्हाण, मोहन मगरे, राजेंद्र पिंपरे, यांचा सहकाऱ्याने आगवर नियंत्रण आणण्यात यश आले.