नंदुरबार l प्रतिनिधी
शहरातील बायपास रस्त्यावरील हॉस्पिटलमधून सुमारे एक लाख रुपये किंतमीचा मोबाईल चोरी केल्याप्रकरणी संशयिताविरोधात गुन्हा दाखल करण्यात आला असून याप्रकरणी सीसीटिव्ही तपासून एकास अटक करण्यात आली आहे.
याबाबत पोलिस सूत्रांनी दिलेल्या माहितीनूसार, नंदुरबार येथील डॉ.निलेशकुमार हेमंतकुमार शर्मा यांच्या मालकीचा मोबाईल बायपास रस्त्यावरील एका हॉस्पिटलच्या रिसेप्शन रुममध्ये होता.
सदर रुमचा दरवाजा उघडा असतांना पलंगावर असलेला १ लाख ७ हजार रुपये किंमतीचा मोबाईल चोरुन नेला.
याबाबत डॉ.निलेशकुमार शर्मा यांच्या फिर्यादीवरुन नंदुरबार शहर पोलिस ठाण्यात संशयित विनोद विरसिंग पवार (रा. होळतर्फे हवेली ता.नंदुरबार) याच्याविरोधात भादंवि कलम ३८० प्रमाणे गुन्हा दाखल करण्यात आला आहे. पुढील तपास पोना.बलविंद्र ईशी करीत आहेत.
या गुन्ह्याची दखल घेत नंदुरबार शहर पोलीसांनी रूग्णालयातील सीसीटीव्ही फुटेज तपासली . यावेळी आयफोन मोबाईल चोरी करतांना विनोद पवार हा सीसीटीव्हीत कैद झाल्याचे दिसून आले .
त्या आधारे पोलीसांनी काही तासातच नंदुरबार शहरातील गिरीविहार गेट परिसरातुन विनोद पवार रा . छोटा धनपूर ता . तळोदा हल्ली मु.होळतर्फे हवेली ता.नंदुरबार यास अटक केली .
ही कामगिरी जिल्हा पोलीस अधिक्षक पी . आर . पाटील , अप्पर पोलीस अधिक्षक विजय पवार , उपविभागीय पोलीस अधिकारी सचिन हिरे यांच्या मार्गदर्शनाखाली शहर पोलीस निरीक्षक किरणकुमार खेडकर , पोलीस उपनिरीक्षक मोहिते , हेकॉ . गोसावी , पोकॉ . पांढारकर यांच्या पथकाने केली .
