नंदूरबार l प्रतिनिधी
नंदुरबार शहरातील कोहिनुर टाकीजवळील कोल्ड्रिंक्स दुकानात चोरट्यांचा डल्ला टाकीत चाळीस हजार रुपये लंपास केल्याची घटना घडली आहे.वाढत्या तापमानामुळे उष्णतेपासून बचाव करण्यासाठी नागरिक आईस्क्रीम व कोल्ड्रिंक्स चा आधार घेतात. सध्या कोल्ड्रिंक्स दुकानात तेजी असल्याने थेट कोल्ड्रिंक्स दुकानातच डल्ला टाकला.
नंदुरबार शहरातील कोहिनुर टाकीजवळील शीतल आईस क्रीम व गजानन कोल्ड्रिंक्स दुकानात रात्री दोन वाजेच्या सुमारास चोरट्यांनी कुलूप तोडून दुकानातील चाळीस हजार रुपये लंपास केल्याची घटना घडली आहे. दुकान मालक मोहन चौधरी यांना चोरी झाल्याचा प्रकार सकाळी समजल्यानंतर त्यांनी पोलिस स्टेशनला तक्रार दाखल केली आहे.
नंदुरबार शहर पोलीस कर्मचाऱ्यांच्या वतीने श्वानपथकाला पाचारण करून चोरट्यांचा अधिक तपास सुरू केला आहे.
वाढत्या तापमानामुळे उष्णतेपासून बचाव करण्यासाठी नागरिक आईस्क्रीम व कोल्ड्रिंक्स चा आधार घेतात. सध्या कोल्ड्रिंक्स दुकानात तेजी असल्याने चोरट्यांनी थेट कोल्ड्रिंक्स दुकानातच डल्ला मारून चाळीस हजार रुपये रोख रक्कम लंपास केल्याने खळबळ उडाली आहे. सदर चोरीच्या घटनेबाबत नंदुरबार शहर पोलीस ठाण्याच्या वतीने अधिक तपास सुरू आहे.