नंदुरबार l प्रतिनिधी
शहादा तालुक्यातील तऱ्हाडी ते शहादा रस्त्यावर वाहनाने धडक दिल्याने दुचाकीस्वार जखमी झाल्याची घटना घडली.
याबाबत पोलिस सूत्रांनी दिलेल्या माहितीनूसार, शहादा तालुक्यातील तऱ्हाडी येथील राकेश वसंत बागुल हे दुचाकीने तऱ्हाडी ते शहादा रस्त्याने जात होते. यावेळी एका वाहन चालकाने त्याच्या ताब्यातील वाहन रस्त्याच्या परिस्थितीकडे दुर्लक्ष करुन भरधाव वेगात मागून दुचाकीला धडक दिल्याने अपघात घडला. घडलेल्या अपघातात राकेश बागुल रस्त्यावर पडल्याने त्यांना दुखापत झाली. याबाबत राकेश बागुल यांच्या फिर्यादीवरुन शहादा पोलिस ठाण्यात वाहन चालकाविरोधात भादंवि कलम २७९, ३३७, ३३८ सह मोटार वाहन कायदा कल १८४, १३४ प्रमाणे गुन्हा दाखल करण्यात आला आहे. पुढील तपास पोहेकॉ.मेहेरसिंग वळवी करीत आहेत.
