नंदुरबार l प्रतिनिधी
महिलांच्या तक्रारी, अडचणी यांची शासकीय यंत्रणेकडून सोडवणूक करण्यासाठी व समाजातील पीडित महिलांना सुलभ मार्गदर्शनाची सुविधा उपलब्ध व्हावी म्हणून प्रत्येक महिन्याच्या तिसऱ्या सोमवारी जिल्हास्तरीय महिला लोकशाही दिनाचे आयोजन करण्यात येते. तथापि, सोमवार 16 मे 2022 रोजी बुद्ध पौर्णिमेनिमित्त शासकीय सुट्टी असल्याने जिल्हास्तरीय महिला लोकशाही दिन मंगळवार 17 मे 2022 रोजी आयोजित करण्यात आला आहे, असे सदस्य सचिव तथा जिल्हा महिला व बाल विकास अधिकारी नंदुरबार यांनी प्रसिद्धीस दिलेल्या शासकीय पत्रकान्वये कळविले आहे. सर्व तक्रारदार महिलांनी आपल्या समस्यांच्या निराकरणासाठी मंगळवार 17 मे 2022 रोजी आपले तक्रार अर्ज घेवून सकाळी 11 वाजेपर्यंत स्वत: जिल्हाधिकारी कार्यालय, नंदुरबार येथे उपस्थित रहावे. तक्रार वैयक्तिक असावी, न्यायप्रविष्ठ व आस्थापना विषयक सामूहिक तक्रार स्वीकारण्यात येणार नाही, असेही नमूद करण्यात आले आहे.
