खापर l प्रतिनिधी
खापर येथील पूजा चावडा हिचा राज्यस्तरीय सर्वात्कृष्ट स्वयंसेविका पुरस्काराने गौरव करण्यात आला.
एस.एन. डी. टी. महिला विद्यापीठ, मुंबई येथे उच्च शिक्षण मंत्री उदय सामंत , कुलगुरू उर्मिला चक्रदेव मॅडम, कुलगुरू पातुरकर , अमित गुप्ता, अजय शिंदे, व राज्यसंपर्क अधिकारी डॉ. प्रशांतकुमार वनंजे यांच्या हस्ते राष्ट्रीय सेवा योजना, उच्च व तंत्रशिक्षण मंडळ राज्यस्तरीय सर्वोत्कृष्ट स्वयंसेविका या पुरस्काराने गौर विण्यात आले.क. ब. चौ. उ. म. वि.तील 2016-17 साली गेल्या दोन वर्षांत राष्ट्रीय सेवा योजने अंतर्गत केलेल्या सामाजिक कार्याबद्दल तिची दखल घेऊन एन.एस. एस. च्या लाखो स्वयंसेवकांमधून तिची निवड करण्यात आली आहे.पूजा चावडा ही खापर गावातील बी. एस्सी.(केमिस्ट्री) विषयात सुवर्णपदक आणणारी पहिलीच मुलगी आहे. अनेक अडचणी व दुखांना तोंड देत ‘ये भी कब तक ‘ म्हणत तिने प्रयत्न केले. अपयश येणारच नाही जर तुम्ही ह्रदय व बुद्धी यांच्या समन्वयाने काम केले. विद्यार्थी सामाजिक कार्य व देशसेवा करूनही अभ्यासात एम. एस्सी लेव्हल ला प्रथम क्रमांक मिळवू शकतो याचे ती जीवंत उदाहरण आहे.तिने या यशाचे श्रेय तिचे आई-वडील, तिचे कुटुंब, व तिच्या शिक्षकांना दिले .यावेळी तालुक्यातील सर्व स्तरावरुन तिचे कौतुक केले जात आहे .