नंदुरबार l प्रतिनिधी
शहादा शहरात मुस्लिम बांधवांनी नमाज पठाण दरम्यान भोंग्यांचा वापर न केल्याने मनसे कार्यकर्त्यांनी त्यांचे स्वागत करीत पोलिसांना निवेदन सादर केले.
नंदुरबार जिल्ह्यातील शहादा शहरात मुस्लिम बांधवांनी मनसे अध्यक्ष राज ठाकरे यांच्या आदेशाचे पालन करत नमाज पठणा वेळी भोंग्यांचा वापर न केल्याचे मनसे कार्यकर्त्यांनी स्वागत केले आहे. त्याचबरोबर भोंग्यांचा वापर झाला नाही त्या मशीद परिसरात कोणालाही त्रास होणार नाही याची काळजी मनसे कार्यकर्त्यांनी घेतली आहे. मुस्लिम बांधवांनी राज ठाकरे यांच्या आदेश पाळल्याने शहादा शहरात कुठेही हनुमान चालीसा पठणाचा कार्यक्रम झाला नाही. परंतु मुस्लिम बांधवांची भूमिका स्वागताची असली तरी सदर मागणी फक्त एका दिवसाची नसून त्यावर कायमस्वरूपी अंमलबजावणी करणे गरजेचे असल्याने सर्वोच्च न्यायालयाने दिलेल्या आदेशाप्रमाणे कारवाई होणे अपेक्षित असून न्यायालयाच्या आदेश पाळावे अशा मागण्याचे निवेदन शहादा मनसे अध्यक्ष राजेश्वर सामुद्रे यांच्या अध्यक्षतेखाली पोलिसांना निवेदन देण्यात आले आहे.