खापर l प्रतिनिधी
खापर येथे मोठा अनर्थ गावकऱ्यांच्या जागरूकतेने टळला.कापसाने भरलेल्या ट्रकमध्ये लोबंगत्या विजेच्या तारांचा स्पर्श झाल्याने आग लागल्याची घटना खापर येथे घडली.हजारोचे नुकसान.महावितरणाचा हलगर्जीपणामुळे झाले.
कमी उंचीवर असलेल्या विजेच्या तारा अपघाताला निमंत्रण देत असल्याचे दिसून आले. खापर येथील कापूस भरलेल्या ट्रक मध्ये तारांचा स्पर्श झाल्याने व्यापाऱ्याचे हजारोचे नुकसान झाले आहे.महावितरणाच्या कामचुकार पणामुळे मोठा अपघात होण्यापूर्वीच गावकऱ्यांच्या जागरूकतेने पाणी मारून आग विझविण्यात आली.
खापर येथील कोराई परिसरातील मुख्य रस्त्यावर विजेच्या तारा कमी उंचीवर लोबंगत असतात तर खापर हे मोठ्या बाजारपेठेचे गाव असल्याने दिवसभरात बस, शेकडो माल वाहतूक गाड्या,ट्रक आदी याच रस्त्याने ये-जा सुरू असते.विजेच्या तारा दिवसेंदिवस खालच्या दिशेने लोंबत असल्याने.अनेक वेळा अशा लहान-मोठ्या घटना देखील घडल्या आहेत.परिसरातील नागरिकही या त्रासाने कंटाळले असून महावितरण या लोबंगणाऱ्या तारांचा बंदोबस्त कधी करते याकडे खापर येथील ग्रामस्थांचे लक्ष लागून आहे.
