जयनगर येथील हेरंब गणेश मंदिरात अंगारकी चतुर्थीला मोठ्या संख्येने भाविकांना येण्याचे आवाहन

म्हसावद l प्रतिनिधी
शहादा तालुक्यातील जयनगर येथे दि.19 एप्रिल मंगळवारी रोजी असणाऱ्या या वर्षाच्या पहिल्या अंगारकी चतुर्थीला भाविकांनी मोठ्या संख्येने दर्शनासाठी येण्याचे आवाहन श्री. हेरंब गणेश ट्रस्टच्यावतीने करण्यात आले आहे.
शहादा तालुक्यातील जयनगर येथे खानदेशातील उजव्या सोंडेचा गणपती म्हणून हेमाड पंथीय श्री. हेरंब गणेश मंदिर प्रसिद्ध आहे. येथील गणेशाची संगमरवरी दगडाची आकर्षक मूर्ती असून प्रत्येक मंगळ चतुर्थीला येथे गुजरात, मध्यप्रदेश तसेच संपूर्ण खान्देशसह हजारो भाविक दर्शनासाठी व नवस फेडायला येत असतात. पण दोन वर्षापासून कोरोनाच्या काळात आलेल्या अंगारकी चतुर्थीला मंदिरे बंद होती, म्हणून भाविकांना दुरूनच दर्शन घ्यावे लागत होते. मात्र आता शासनाने सरसकट निर्बंध हटविल्याने सर्व मंदिरे खुली असल्याने मंदिर ट्रस्टने मंगळवारी असणाऱ्या अंगारकी चतुर्थीला भाविकांना मोठ्या संख्येने दर्शनासाठी येण्याचे आवाहन केले असून नवदाम्पत्य अभिषेकसाठी व नवस फेडणारे भाविक यांचीही मोठ्या प्रमाणावर गर्दी होईल, म्हणून मंदिर प्रशासनाकडून भाविकांच्या दर्शनासाठी व बाहेरून येणाऱ्या व्यावसायिकांसाठी योग्य त्या उपाययोजना करण्यात आल्या असल्याचे मंदिर प्रशासनाकडून कळविण्यात आले आहे.