नंदूरबार l प्रतिनिधी
शहादा येथे रामनवमीचा दिवशी घडलेल्या घटने बाबत आमदार राजेश पाडवी यांनी मुंबई येथे गृह मंत्री दिलीप वळसे पाटील, विरोधी पक्षनेते देवेंद्र फडणवीस, गृह राज्य मंत्री संभुराजे देसाई यांची प्रत्यक्ष भेट घेऊन शहादा पोलिस निरीक्षक दिपक बुंधवत यांना हटवन्या बाबत निवेदन दिले.
गृह मंत्री दिलीप वळसे पाटील साहेब यांना घटनेची माहिती दिली असता नाशिक परीक्षेत्राचे पोलीस महानिरीक्षक शेखंर यांना फोन करुन तात्काळ पोलीस निरीक्षक बुंधवत यांना सक्तीचा रजेवर पाठवुन येणाऱ्या मे महिन्यात सर्व साधारण बंदल्यामधे दुसऱ्या जिल्ह्यात बदली करण्याचे आदेश दिले. तसेच आज सायंकाळ पर्यंत दुसऱ्या पोलीस निरीक्षक कडे पदभार देण्याचे आदेश दिले. गृह राज्य मंत्री संभुराजे देसाई यांनी देखील फोन वरुन पोलीस अधिक्षक नंदुरबार यांना पोलीस निरीक्षक बुंधवत यांची तात्काळ हटवुन सक्तीचा रजेवर पाठवुन दुसऱ्या पोलीस निरीक्षक यांचा कडे पदभार सोपावा असे आदेश दिले.
विरोधी पक्षनेते देवेंद्र फडणवीस यांनी फोन वरुन राज्याचे पोलीस महासंचालक रजणीश शेट यांना घटनेची माहिती देवुन तात्काळ पोलीस निरीक्षक बुंधवत यांना हटवन्या बाबत सांगितले व नविन पोलीस निरीक्षक नियुक्ती करण्यात सांगितले.