नंदुरबार ! प्रतिनिधी
कोविड महामारीच्या काळात नंदुरबार जिल्हयात रुग्णांना अनेकांचे प्राण वाचविले यासाठी नवभारत हेल्थकेअर अवॉर्ड मध्ये एक्सलन्स इन कोविड केअर या इंडिव्हिज्युअल कॅटेगिरीतून राज्यपाल भगतसिंग कोशारी व महाराष्ट्र राज्य आरोग्य मंत्री राजेश टोपे यांच्या प्रमुख उपस्थितीत राजभवन येथे तळोदा येथील सुपुत्र डॉ.गौरव तांबोळी यांना सन्मानित करण्यात आले .
डॉ . गौरव तांबोळी हे महाराष्ट्राच्या अतिदुर्गम भागातील नंदुरबार या आदिवासी जिल्ह्यातील तळोदा शहरातील असून सेवानिवृत्त सहा . प्रकल्प अधिकारी अशोक तांबोळी यांचे चिरंजीव आहेत . त्यांचे शिक्षण एमबीबीएस , एम डी मेडिसिन पर्यंत आहे . मुंबईतील जसलोक या नामांकित हॉस्पिटल मध्ये वैद्यकीय सेवा देत होते . महामारीचे संकट लक्षात घेऊन खास नंदुरबार जिल्हा वासियांच्या सेवेसाठी नोकरी सोडून आले . जिल्ह्यातील पहिले व्हेंटिलेटरसह आय . सी . यु . , आय . पी . डी , ओपीडी उपचार सुविधा असलेले स्मित मल्टीस्पेशलिटी हॉस्पिटल सुरु करून जवळपास 5000 रुग्णांना जीवदान देणारे कार्य केले . डॉ गौरव तांबोळी यांना सन्मान मिळाल्याबद्दल डॉक्टर्स , सामाजिक व राजकीय क्षेत्रांतील मंडळी , विद्यासहयोग बहुउद्देशीय संस्थेतील कर्मचारी यांनी त्यांचे अभिनंदन केले आहे .
