शहादा येथे मुलाला झोका खेळत असताना गळफास लावून ९ वर्षीय बालकाचा मृत्यू

नंदूरबार l प्रतिनिधी
शहादा शहरातील डोंगरगाव रस्त्यावर जवळील मंगलमूर्ती नगरात झुला . खेळत असताना दोरीत अडकून ९ वर्षीय बालकाचा मृत्यू झाल्याची घटना घडली. याप्रकरणी शहादा पोलीस ठाण्यात अकस्मात मृत्यूची नोंद करण्यात आली आहे या घटनेमुळे शहादा शहरात खळबळ उडाली आहे.
शहाद्यातील राजेन्द्र मिहीलाल अग्रवाल यांचा चुलत भाऊ मुनेश लखमीचंद अग्रवाल रा.कृष्णकुंज कॉलनी यांना ईशान व रवींद्र असे दोन मुले असून ते विभक्त राहतात. ईशान यास एक यश मुलगा व एक मुलगी आहेत. चुलतभावाची मुलगी सलोनी हिस मुलगी झाल्यानें तिला पाहण्यासाठी मूनेश अग्रवाल यांच्याकडे गेले होते. कार्यक्रम सूरू असताना काल सायंकाळी ५ वाजेच्या सुमारास पुतण्या ईशान मुनेश अग्रवाल यांचा मुलगा यश मुनेश अग्रवाल (वय ९ वर्ष) हा भाऊ मुनेश अग्रवाल यांच्या घराच्या मागील बाजूस मोकळ्या जागेत बांधण्यात आलेल्या झोक्यावर झोका घेत असताना झोका गोल गोल फिरवत होता. तेव्हा अचानक घरकाम करणाऱ्या बाईचे लक्ष गेले त्यावेळी. यश खाली पडलेला दिसला तिने घरातील लोकांना याची कल्पना दिली. लागलीच घरची सर्व मंडळी धावून गेल्यानंतर त्याच्या मानेवर झोक्याचा दोरीचा गळफास लागलेला दिसला तो लागलेला गळफास त्यांनी काढून टाकला तेव्हा यश बेशुद्ध अवस्थेत होता.त्याला लागलीच कुलकर्णी हॉस्पिटल येथे दाखल केले. तेव्हा डॉ.मालविका कुलकर्णी यांनी उपचार सुरू केला. परंतू उपचार सुरू असताना तो मरण पावला असे डॉ मालविका कुलकर्णी यांनी सांगितले.या घटनेबाबत शहादा पोलीस ठाण्याला माहिती देण्यात आली माहिती दिल्यानंतर शाखा पोलीस ठाण्याचे पोलीस निरीक्षक दीपक बुधवंत यांनी घटनास्थळी येऊन पंचनामा केला आहे याप्रकरणी पोलिस ठाण्यात अकस्मात मृत्यूची नोंद करण्यात आली आहे. याबाबत घटनेचा पुढील तपास शहादा पोलीस करीत आहेत.