नंदुरबार l प्रतिनिधी
शहरातील सुरज केसरी नगरात साईबाबा मंदिराचे भूमिपूजन शिवसेनेचे नेते तथा माजी आ. चंद्रकांत रघुवंशी यांच्या हस्ते करण्यात आले.
यावेळी कार्यक्रमाच्या अध्यक्षस्थानी नगराध्यक्ष सौ. रत्ना रघुवंशी होत्या. व्यासपीठावर जिल्हा परिषदेचे उपाध्यक्ष ॲड राम रघुवंशी, ज्येष्ठ नगरसेविका श्रीमती शोभाताई मोरे, उद्योगपती इंजि.किरण तडवी नगरसेवक रवींद्र पवार, शिवसेना उपजिल्हाप्रमुख रवींद्र गिरासे, नगरसेविका भावना गुरव, प्रविण गुरव,चेतन वळवी उपस्थित होते.
यावेळी माजी आ.चंद्रकांत रघुवंशी म्हणाले,समाजकार्य करण्यासाठी नागरिक एका विचाराने एकत्र येत असतात अशा कार्यक्रमांना मदत करणे लोकप्रतिनिधींची जबाबदारी असते. नागरिकांना नगरपालिकेच्या माध्यमातून जी मदत लागली ती करण्यात येईल कॉलनीतील रहिवाशी मंदिर बनवणार आहेत तर या मंदिराचे सभा मंडपाचे काम नगरपालिका करून देईल असे आश्वासन त्यांनी दिले. याप्रसंगी सुरज केसरी नगरातील रहिवासी मोठ्या संख्येने उपस्थित होते.
