नंदुरबार | प्रतिनिधी
पेट्रोल डिझेलच्या वाढत्या किमती विरोधात नंदुरबार येथे थाळी वाजवून व एकमेकांना मिठाई वाटून युवती सेनेतर्फे आंदोलन करण्यात आले.
यावेळी निवेदनात म्हटले आहे की, पेट्रोल डिझेलच्या वाढत्या किमतीमुळे सर्वसामान्य जनता हवालदिल झाली आहे. संपूर्ण भारतात आज पेट्रोल शंभरीच्या पार गेले आहे .महाराष्ट्रात पेट्रोलचे भाव १२० रुपये तर डिझेल ९८ रुपयांच्या जवळपास आहे. केंद्र सरकारने अच्छे दिन आणण्याची स्वप्न दाखवून गोरगरीब जनतेच्या डोळ्यात धूळफेक केली आहे. केंद्र सरकारच्या विरोधात आज नंदुरबार जिल्हा युवती सेनेच्या वतीने पेट्रोलपंपाबाहेर आंदोलन करण्यात आले. तसेच केंद्र सरकारच्या विरोधात जोरदार घोषणाबाजी करण्यात आली. केंद्रसरकारने गोरगरिबांना अच्छे दिन आणण्याचे स्वप्न दाखवले होते परंतु ते अच्छे दिवस अजून आलेच नाहीत . मोदी सरकारने महागाई चा आगडोब पसरवला आहे त्यात सर्व सामान्य जनता होरपळून गेली आहे .म्हणून नंदुरबार युवती सेनेच्या वतीने केंद्रातील मोदी सरकारच्या विरोधात आज थाळी वाजवून व एकमेकांना मिठाई वाटून आंदोलन करण्यात आले .यावेळी युवती सेनेच्या जिल्हाध्यक्ष मालतीताई वळवी, भारती ठाकरे,रीना वसावे, रीना पाडवी, रमिला वसावे, मनुबाई सोनवणे, वैशाली सोनवणे,दिव्या सोनवणे, पूनम वळवी, प्रियंका वळवी, व युवती सेनेचे कार्यकर्ते व पदाधिकारी उपस्थित होते.
