नंदुरबार l प्रतिनिधी
जिल्हा परिषदेच्या समाज कल्याण विभागाच्या ५ टक्के सेस व जिल्हा अपंग कल्याण निधी अंतर्गत अपंगांना झेरॉक्स मशीनचे वाटप शिवसेनेचे नेते तथा माजी आ.चंद्रकांत रघुवंशी यांच्या हस्ते करण्यात आले. अपंग लाभार्थ्यांना स्वतःच्या पायावर उभे राहता यावे त्यातून त्यांना स्वयंरोजगार उपलब्ध होणार आहे.
शहरातील श्री शिवाजी महाराज नाट्य मंदिरात आज शनिवारी कार्यक्रमाचे आयोजन करण्यात आले होते. तालुक्यातील भालेर,शनिमांडळ, हाटमोहिदा, जुनमोहिदा,कोपर्ली येथील अपंग लाभार्थ्यांना समाज कल्याण सभापती रतन पाडवी यांच्या सततच्या पाठपुराव्यातुन झेरॉक्स मशीनचे वाटप करण्यात आले.
यावेळी जि.प उपाध्यक्ष ॲड राम रघुवंशी, जि.प सदस्य देवमन पवार, माजी सदस्य डॉ.सयाजीराव मोरे, पालिका उपाध्यक्ष कुणाल वसावे, शेतकरी सहकारी संघाचे चेअरमन बी.के पाटील, कोपर्लीचे माजी सरपंच नविन बिर्ला, उपजिल्हाप्रमुख रवींद्र गिरासे, पालिकेचे पाणीपुरवठा सभापती कैलास पाटील,नगरसेवक दीपक दिघे,रवींद्र पवार,फारुख मेमन,कृषी उत्पन्न बाजार समितीचे संचालक किशोर पाटील, सामाजिक कार्यकर्ते ताराचंद माळसे,अपंग जनता दलाचे प्रदेश उपाध्यक्ष आनंदा पाटील, जिल्हाध्यक्ष मंगेश सोनवणे, संपर्कप्रमुख वासुदेव माळी आदी उपस्थित होते.
अपंग बांधवांसाठी रोजगार उपलब्ध
जिल्हा परिषदेच्या माध्यमातून गेल्या दोन वर्षापासून असंख्य योजना राबविण्यात येत आहेत. महाविकास आघाडी असल्यामुळेच खऱ्या व पात्र लाभार्थ्यांनाच लाभ दिला जात आहे. झेरॉक्स मशीनचा वाटपामुळे अपंग बांधवांना स्वतःच्या पायावर उभे राहून त्यातून त्यांना स्वयंरोजगार उपलब्ध होणार आहे.
ॲड राम रघुवंशी
उपाध्यक्ष,जि.प,नंदुरबार
