नवापूर l प्रतिनिधी
नवापुर तालुक्यातील तारापूर ( डुगली )bगावाच्या शिवारात शेतात एका युवकाचा खुन झाल्याची घटना घडली आहे.सदरचा युवक हा होळी बघायला गेला होता.
याबाबत अधिक माहिती अशी की, पराग सुरेश वळवी (वय.30) रा.बिलदा ता.नवापुर हा युवक होळी सना निमित्त त्याची स्कुटी (क्र. एम एच. 14, जी.झेड. 7566) घेवुन रात्री 10 वाजेच्या सुमारास त्याची सासरवाडी डोगेगाव येथे निघाला होता ,रात्री उशीरा त्याचे वडील सुरेश नथ्थु वळवी यांनी त्याच्या मोबाईल वर फोन केला परंतु मोबाईल बंद अवस्थेत येत होता , तो पोहचला की नाही याबाबत इतर ठिकाणी चौकशी केली असता तो पोहचला नसल्याची माहिती मिळाली, दुस-या दिवशी तारापूर गावाचे पोलीस पाटील विवेक वळवी यांनी
सुरेश नथ्थु वळवी यांना निरोप दिला की, तुमचा मुलगा पराग हा तारापूर गावाच्या शिवारात डुगलीपाडा गावा जवळ कैलास गावीत व हरिष गावीत याच्या शेतात मयत अवस्थेत पडला आहे. त्याच्या कपाळावर व गुप्त अंगावर मार लागल्याने रक्त बाहेर आले होते ,या घटनेची माहिती विसरवाडी पोलीस ठाण्यात दिल्यानंतर सहाय्यक पोलीस निरीक्षक नितीन पाटील, पोलिस उप.निरिक्षक भुषण बैसाणे, ए.एस आय.नरेंद्र वळवी, काँ.देवेंद्र हिरे,हे. काँ.राजेश येलवे अतुल पानपाटील,अनिल राठोड दारासिंग पावरा राजु कोकणी यांनी,घटनास्थळी धाव घेतली. सदरचा मयत व्यक्तीच्या कपाळावर, गुप्त अंगावर अज्ञात व्यक्तीने मारहाण करुन खुन केल्याचे दिसुन आले , या बाबत विसरवाडी पोलीस ठाण्यात गुन्हा दाखल करण्यात आला आहे. घटनास्थळी अप्पर पोलीस अधीक्षक विजय पवार, विभागिय पोलीस अधीक्षक सचिन हिरे यांनी भेट दिली.मयताचे शवविच्छेदन करून शव नातेवाईकाच्या ताब्यात देण्यात आले.या प्रकरणी गुन्हा दाखल करण्याची प्रक्रिया सुरू असून लवकरच यातील आरोपी ताब्यात घेण्यात येणार असल्याची माहिती सहाय्यक पोलीस निरीक्षक नितीन पाटील यांनी दिली. मयत पराग गावित याच्या पश्चात पत्नी निता पराग वळवी, वडिल सुरेश वळवी , आई प्रमिला वळवी व दोन मुले असा परिवार आहे.
