नंदूरबार l प्रतिनिधी
नंदूरबार तालुक्यातील शनिमांडळ येथील शेतकरी यांचे आखतवाडे शिवारातील शेतात सुजलाॅन कंपनीच्या गेलेल्या मेन लाईन वरून शॉर्टसर्किट होऊन आग लागल्याने शेतकऱ्याचे लाखोचे नुकसान, एक गाय जळून ठार तर बैल जखमी झाल्याची घटना घडली आहे.
याबाबत अधिक माहिती अशी की, नंदूरबार तालुक्यातील शनिमांडळ येथील शेतकरी देविदास गोविंदा बोरसे यांचे आखतवाडे शिवारातील शेतात रात्री एक वाजेच्या सुमारास त्यांच्या पत्राच्या शेडला सुजलाॅन कंपनीच्या गेलेल्या मेन लाईन वरून शॉर्टसर्किट होऊन आग लागल्याने शेतकऱ्याचे लाखोचे नुकसान झाले. असून वेळोवेळी सुजलाॅनच्या अधिकाऱ्यांना विनंती करूनही दुर्लक्ष केल्यामुळे आज शेतकऱ्याचे शेती उपयोगी साहित्य दहा एकर ठिबकचे साहित्य पाईपलाईनचे पीव्हीसी पाईप, धान्य व खते,एक गाय जळून ठार तर बैल जखमी झाल्याची घटना घडली. यावेळी शेडचे पत्रे जळुन अतोनात नुकसान झाले असून तीव्र संताप व्यक्त करण्यात येत आहे.
म्हणून कंपनीने तात्काळ कार्यवाही करून पिडित शेतकऱ्याला नुकसान भरपाई मिळावी अशी मागणी शेतकऱ्यांतर्फे करण्यात येत आहे.