धडगाव l प्रतिनिधी
धडगाव तालुक्यातील बिलगांव येथे नर्मदा बचाव अंदोलनच्या नेत्या मेधा पाटकर यांच्या प्रमुख उपस्थितीत होळी व मेलादा उत्साहात मनवला गेला.यावेळी मेधा पाटकर यांचा रौद्र रुप पाहायला मिळाला स्वतहा जाऊन दारु व जुगार अड्डे बंद केले.
अक्राणी तालुक्यातील अतिदुर्गम भागातील नर्मदा नदी परिसरात असलेल्या बिलगांव येथे मानाची आदिवासी होळी व मेलादा उत्सवाचे प्रमुख पाहूणे म्हणून नर्मदा बचाव आंदोलनाचे नेत्या मेधा पाटकर होत्या. या होळीत कोणतेही गैरप्रकार किंवा अवैध धंदे चालु नये यासाठी पोलीस प्रशासनाकडून बंदोबस्त लावण्यात आला असताना दारू विक्री तसेच सट्टा चालू असल्याने मेधा पाटकर यांचा रौद्र रुप पाहायला मिळाला स्वतहा होळीत फिरून अवैध धंद्यावाल्यांना तुम्ही दारू व जुगार मटके बंद करा असे सांगितले असता अवैध धंद्यावाल्यांनी आम्ही आजच पोलीस कर्मचार्यांना अवैध धंदे चालवण्यासाठी हप्ते दिले आहे असे मेधा पाटकर यांना सांगितले.लगेच मेधा पाटकर यांनी पोलीस कर्मचारी यांना बोलवून अवैध धंद्यावाल्यांचे पैसे परत करा व दारु व जुगार सट्टे,मटके बंद करा असे पोलीस कर्मचारी यांना सांगितले.त्यानंतर काही वेळेतच दारू जप्त करण्यात आली.
