नंदूरबार l प्रतिनिधी
महाराष्ट्र अंधश्रद्धा निर्मूलन समितीच्या शहादा शाखेच्यावतीने युद्धखोर मानसिकतेची होळी करून होळीच्या पूर्वसंध्येला युद्धखोर मानसिकतेचा निषेध करण्यात आला. नितीन नगर परिसरातल्या मैदानात सम्पन्न झालेल्या कार्यक्रमास चांगली उपस्थिती होती.
याप्रसंगी महाराष्ट्र अंनिस शहादा शाखेचे अध्यक्ष डॉ. बी डी पटेल, माजी जिल्हाध्यक्ष डॉ.शशांक कुलकर्णी, ज्येष्ठ साहित्यिका डॉ.अलका कुलकर्णी,अंनिस उपाध्यक्ष संगीता पाटील, राष्ट्र सेवा दलाचे माणक चौधरी, अंनिसचे जिल्हा कार्याध्यक्ष रवींद्र पाटील, शाखा कार्याध्यक्ष संतोष महाजन, प्रधान सचिव सुवर्णा जगताप ,श्रीकांत बाविस्कर ,विनायक पवार आदी प्रमुख कार्यकर्ते उपस्थित होते.
युद्धखोर मानसिकतेच्या पुतळ्याचे दहन ज्येष्ठ साहित्यिका डॉ.अलका कुलकर्णी यांच्या हस्ते करण्यात आले. या प्रसंगी युद्धखोर मानसिकतेच्या निषेधाच्या घोषणा देण्यात आल्या आणि रशिया युक्रेन च्या युद्धाबाबत रशियाच्या युद्धखोर भूमिकेचाही निषेध करण्यात आला. जगातले प्रश्न हे वाटाघाटी आणि चर्चेने सोडवता आले पाहिजेत,युद्ध अखेरपर्यंत टाळण्याचा प्रयत्न करायला हवा असा अशी भूमिका मान्यवरांनी मांडली.
कार्यक्रमाच्या यशस्वीतेसाठी भारती पवार प्रदीप केदारे भटू वाकडे हृदयेश चव्हाण, सायसिंग वसावे,भरत दुरंगी,हिरा दुरंगी रेखा केसेकर, पुष्पा दुरंगी आदी कार्यकत्यांनी परिश्रम घेतले.
