शहादा । प्रतिनिधी
शहादा येथे एकाला जीवे मारण्याचा प्रयत्न केल्याप्रकरणी सात आरोपींना जिल्हा व सत्र न्यायालयातील न्या.व्ही.एम.पथाडे यांनी प्रत्येकी सात वर्षाची शिक्षा व पाच हजार रुपये दंडाची शिक्षा सुनावली.
सैय्यद मुजफ्फरअली लियाकतअली उर्फ मुज्जू याला शहरातील डॉ.बी. डी. पाटील दवाखान्याच्या आवारात दि.14 जुलै 2017 रोजी आरोपी मेहमूद शेख अहमद, माजिद शेख अहमद, टीपू शेख मुख्तार, अल्लारखा शेख मुख्तार, साजिद शेख अहमद, मुक्तार शेख अहमद यांनी शहादा नगरपालिकेच्या पाणीपुरवठा करणार्या गाडीच्या पाणी वाटपाच्या कारणावरून मेहमूद शेख अहमद व त्याच्या भावांनी, पुतण्यांनी डोक्याच्या मागील बाजूस तलवारीने तसेच चाकूने वार करून जीवे मारण्याचा प्रयत्न केला होता.
याबाबत शहादा पोलिसात वरील आरोपींच्या विरोधात कलम 307 प्रमाणे गुन्हा दाखल करण्यात आला होता. आज या गुन्ह्याच्यासंदर्भात जिल्हा व सत्र न्यायालयात न्या.व्ही.एम.पथाडे यांनी मेहमूद शेख अहमद, साजिद शेख अहमद, टीपू शेख मुख्तार, अल्लारखा शेख मुख्तार, जावेद शेख मुक्तार, साजिद शेख अहमद, मुक्तार शेख अहमद, माजिद शेख मेहमूद सर्व रा.गरीब नवाज कॉलनी शहादा यांना प्रत्येकी सात वर्षे शिक्षा व पाच हजार रुपये दंडाची शिक्षा सुनावली आहे.
सरकार पक्षातर्फे जळगाव येथील विशेष सरकारी वकील अकील इस्माईल शहादा येथील सहाय्यक सरकारी वकील जे.पी.कुवर यांनी काम पाहिले.