नंदूरबार l प्रतिनिधी
नंदुरबार तालुक्यातील पाचोराबारी व खापर गावातून दोन अशा तीन दुचाकी चोरट्यांनी लंपास केल्याची घटना घडली.
याबाबत पोलिस सूत्रांनी दिलेल्या माहितीनूसार, नंदुरबार तालुक्यातील पाचोराबारी येथील विनायक नरोत्तम पाटील यांच्या मालकीची दुचाकी (क्र.एम.एच.३९ पी ९८३५) पाचोराबारी शिवारातील शेताच्या बांधाजवळून चोरट्याने लंपास केली. तसेच खापर येथील पंकज रणजित वळवी रा.झापाअंमली ता.कुकरमुंडा यांच्या मालकीची दुचाकी (क्र.जी.जे.१९ एएन ८४१८) खापर येथील सोलंकी नगरातील चेतन अजू पाडवी यांच्या घरासमोरुन चोरट्याने लंपास केली. तर अनिलभाई अशोकभाई तडवी रा.कनकाखाडी ता.सागबारा यांच्या मालकीची दुचाकी (क्र.जी.जे.०५ एचएम ८३७४) खापर गावातून चोरट्याने लंपास केली. याबाबत संबंधित पोलिस ठाण्यात तीन वेगवेगळे गुन्हे दाखल करण्यात आले आहेत.
