नंदुरबार l प्रतिनिधी
शहरातील सोनार गल्ली भागातील श्री.बाबा गणपती मागील श्री. संकष्टाई देवी मंदिरात भक्तांच्या दर्शनासाठी चरणकमलांची स्थापना करण्यात आली.
तिन दिवसांच्या कार्यक्रमात नवचंडी याग, चरणकमलांची प्राण प्रतिष्ठापना करण्यात आली. शेवटच्या दिवशी भांडारा करून कार्यक्रमाची सांगता करण्यात आली.
मंदिरात आल्यावर भाविकांची माऊलीच्या चरणांना स्पर्श करण्याची इच्छा असते परंतु प्रत्येक भाविकाला गाभाऱ्यात प्रवेश करु देणे शक्य नसते. गाभाऱ्या बाहेर चरणकमलांची स्थापना केल्याने भाविकांना चरणांना स्पर्श करुन दर्शन घेण्याची इच्छा पुर्ण करणे शक्य झाले आहे.