नंदुरबार l प्रतिनिधी
रोल बॉल फेडरेशन ऑफ इंडियाच्या मार्गदर्शनाखाली महाराष्ट्र रोलबॉल असोसिएशन व नंदुरबार जिल्हा रोलबॉल असोसिएशन यांच्यावतीने दुसर्या पश्चिम विभागीय राष्ट्रीय रोलबॉल स्पर्धेचे आयोजन आज दि.५ मार्च २०२२ रोजी दुपारी ४ वाजता येथील हि.गो.श्रॉफ हायस्कूल येथे करण्यात आले आहे. या स्पर्धेत भारतातील सात राज्यांचे संघ सहभागी होणार आहे.
स्पर्धेचे उद्घाटन जिल्हा परिषदेचे उपाध्यक्ष ॲड.राम रघुवंशी यांच्या हस्ते आज रोजी होणार असून कार्यक्रमाच्या अध्यक्षस्थानी सार्वजनिक शिक्षण समितीचे चेअरमन ॲड.रमणभाई शहा हे असणार आहेत.
यावेळी रोलबॉल खेळाचे जनक राजु दाभाडे, भारताचे सचिव चेतन भांडवलकर, पश्चिम विभागीय रोलबॉलचे सचिव प्रताप पगार यांची प्रमुख उपस्थिती असणार आहे. कार्यक्रमाच्या प्रमुख अतिथी म्हणून विभागीय क्रीडा उपसंचालक सुनंदा पाटील, सार्वजनिक शिक्षण समितीचे सचिव डॉ.योगेश देसाई, प्राचार्या सुषमा शहा, नगरसेवक किरण रघुवंशी, उपमुख्याध्यापक राजेश शहा, छत्रपती रोलबॉलचे अध्यक्ष अर्जुन हटकर, सुमित अग्रवाल, रुद्रप्रतापसिंह रघुवंशी, सिद्धार्थ वाणी, मुख्याध्यापक संघाचे सचिव पुष्पेन्द्र रघुवंशी, क्रीडा कार्यकर्ते ईश्वर धामणे, क्रीडाशिक्षक दिनेश बैसाणे, बी.डी जाधव, दिनेश चौरे हे उपस्थित राहणार आहेत. स्पर्धा यशस्वितेसाठी संयोजन समितीचे भिकू त्रिवेदी, नंदू पाटील, जगदीश पाटील, जगदीश वंजारी, डॉ.मयूर ठाकरे, दिनेश बैसणे, जितेंद्र माळी, राजेश्वर चौधरी, सीमा पाटील, भरत चौधरी, नरेश शहा आदी परिश्रम घेत आहेत.