म्हसावद l प्रतिनिधी
कोरोना संसर्गामुळे दोन वर्षांपासून तोरणमाळ येथे महाशिवरात्री निमित्ताने भरणारी यात्रा बंद होती यंदा शासनाने परवानगी दिल्याने महाशिवरात्री निमित्त महाराष्ट्रच्या दुसऱ्या क्रमांकाच्या तोरणमाळ यात्रोत्सवानिमित्त भगवान गोरक्षनाथांच्या मंदिरात हजारो भाविकांने दर्शनासाठी रांग लावली होती.
तोरणमाळ येथे भगवान गोरक्षनाथांचा यात्रोत्सव दि.१ मार्च पासून ३दिवस असून येथे मध्य प्रदेश, महाराष्ट्र, गुजरात राज्यातील हजारो भाविक दर्शनासाठी तसेच नवस भेडण्यासाठी येत आहेत. या ठिकाणी मध्य प्रदेशातील नेमाळ भक्तगण मोठ्या संख्येने रात्र मुक्कामी राहून जागरण करतात व दाळ धळपे याचे नैवेदे तयार करून प्रसाद स्वरूपात याला खात असता. विशेषतः म्हणजे नेमाळी बांधव व आदिवासी बांधव याच्या एकरंगी पैराव यात्रेत आकर्षक ठरत होते.याठिकाणी गुरुगोरक्षणाथ यांची पालखी मंदिरापासून गावात ढोल ताश्याचा गजरात मिरवणूक काढण्यात आली होती यावेळी सर्वांचे लक्ष वेधले गेले होते. यावेळी सरपंच मधुकर चौधरी,जीवन रावताळे ,पुजारी नाथ योगी श्रावण बाबा(उडी बाबा),पोलीस पाटील ,रेहमल पावरा,हरसिंग पावरा,सोमच्या नाईक, फारसिंग नाईक ,करमसिंग नाईक,जायमा चौधरी,ग्राम विकास अधिकारी डी.डी. पाटील यांनी पालखीत सहभाग घेत नियोजन केले होते.यावेळी १७० पोलीस कर्मचारीनी बंदोबस्त ठेवला होता.यात शहादा उपविभागीय पोलिस अधिकारी,तीन पोलिस निरीक्षक,तीन उपनिरीक्षण,६० होमगार्ड,१५ वाहतूक पोलिस कर्मचारी होते.यात पोलिस अधिक्षक पी.. आर.पाटील यांच्या मार्गदर्शनाखाली उपविभागीय पोलीस अधिकारी श्रीकांत घुमरे, म्हसावद पोलीस ठाण्याचे पोलीस निरीक्षक निवृत्ती पवार,पोलीस पोलीस अधिकारी, कर्मचाऱ्यांसह वनविभागाच्या कर्मचाऱ्यांनी चोख बंदोबस्त ठेवला होता
प्रसाद वाटप
यात्रेत अनेक भावी येतात त्यांची गैरसोय होऊ नये म्हणून अनेक स्वतःहून याठिकाणी सेवेसाठी स्व इच्छेने श्रमदान करत असल्याचे दिसून आले. विश्व हिंदू परिषद,बजरंग दलचे नंदूरबार, शहादा प्रखंड संजय पाटील,कैलास पाटील, विजय सोनवणे,भरत पाटील,दत्तात्रय पाटील,ईश्वर चौधरी,जगदीश ,सुरेश पाटील,नयन पाटील,राजा साळी, गुड्डू पवार, सह आदीं स्वयंसंघ कडून याठिकाणी भक्तांना प्रसादाचे वाटप करण्यात आले त्यात साबुदाणा खिचडी मिठाई आदींची निशुल्क वाटप करत होते.
