धडगाव l प्रतिनिधी
धडगाव तालुक्यात रोजगार हमीची कामे तात्काळ सुरु करा अशा मागणीचे निवेदन भाजपातर्फे अक्राणी तहसीलदार ज्ञानेश्वर सापकाळे यांना देण्यात आले.
या निवेदनात म्हटले आहे की, धडगांव तालुक्यातील अतिमागास, अतिदुर्गम गावातील गरीब आदिवासींना गुजरात, मध्यप्रदेश आदि राज्यात रोजगारासाठी आदिवासी जात असल्यामुळे या मंजुरांचे स्थलांतर थांबवण्यासाठी स्थानिक स्तरावर रोजगार उपलब्ध करुन दिला तर आदिवासीचे स्थलांतराच्या प्रश्न सुटेल.
आदिवासींचे स्थलांतर पुर्णपणे थांबवून या सर्व मंजुरांना स्थानिक स्तरावर रोजगार हमीचे माती नाला बांध, माती बांध, सिमेंट बांध, दगडी बांध, ढाळीचे बांध, कंपार्टमेंट बांध, वनराई बंधारे, जैविक बांध, गॅबीयन बंधारा, सलग समतल चर, तुटक समतल चर, ट्रेंच कम माऊंट, शेततळी, बोडी नुतनीकरण, नाला सरळीकरण, जलद बंधारा, मातीचे धरण, मातीचे कालावे, साठवण तलाव, पाझरा तलाव, पाझरा कालवा, गांव तलाव, भूमिगत बंधारे, कालव्याचे नुतनीकरण, तलावातील गाळ काढणे, जुन्या तलावाचे नुतनीकरण, पडिक (गायरान ) जमिनीवर वृक्ष लागवड व वैरण योजना, रोपवाटीका, रस्त्याच्या बाजूस वृक्ष लागवड करणे, वन तलाव, स.स.चर/भु.स.स.चर, ट्रेच कम माऊंट, वृक्ष लागवड, फायर लाईन वर्क्स, जुन्या वनतलावचे नुतनीकरण, बांबु राझ्यांभोवती वर्तुळाकार चर, रायमुनिया/लेंटिना निर्मुलन करणे, इतर जिल्हा रस्ते, गाव रस्ते, गावातील अंतर्गत रस्ते, जोड रस्ते, स्मशानभूमी व पाणीपुरवठा योजनासाठीचे रस्ते, रस्त्याचे मजबुतीकरण/नुतनीकरण, रस्त्यांचे रुंदीकरण आदी कामे स्थनिक प्रशासनाने लक्ष देवून प्रत्येक गावात रोजगार उपलब्ध करुन द्यावे असे निवेदनात नमुद आहे.निवेदनावर तालुकाध्यक्ष शिवाजी पराडके, तालुका उपाध्यक्ष चंदु वळवी, उपसरपंच खरवड भरत जाल्या पावरा, नगरसेविका ललिता तुकाराम पावरा, माजी.जि.प.सदस्य निलीमाताई सुभाष पावरा , उपसरपंच अनिता पावरा आदीच्या स्वाक्षऱ्या आहेत.