नंदुरबार | प्रतिनिधी
आपल्यावर असलेल्या पारंपरिक जवाबदार्या यशस्वीपणे सांभाळून विविध क्षेत्रात चमकदार कामगिरी करणार्या महिलांचा मुबंई येथे क्वीन लीग अवॉर्ड २०२२ मध्ये सन्मान करण्यात आला . या मध्ये नंदुरबार येथील सौ. शीतल सतीश चौधरी यांचा विशेष गौरव करण्यात आला .
सौ शीतल चौधरी या नंदुरबार शहर तैलिक महिला आघाडीच्या अध्यक्षा असून, गेले अनेक वर्षे लायन्स परिवारात सक्रिय आहेत.पार्लरच्या माध्यमातून उद्योजिका म्हणून ओळख निर्माण करत अनेक मुलींना हे प्रशिक्षण देऊन रोजगार उपलब्ध करून दिला आहे . स्वतः अद्ययावत प्रशिक्षण घेण्यासाठी त्यांनी मुंबई , दुबई आदी ठिकाणी प्रशिक्षण घेतले आहे . नुकतेच सुरत येथे त्यांना ग्लॅमरस ब्युटी अवॉर्ड फॉर द बेस्ट मेकअप आर्टिस्ट पुरस्कार मिळाला होता . या सर्व यशाची नोंद घेऊन पनाश या सुप्रसिद्ध ब्रँड ने सौ.शीतल चौधरी यांची ब्रँड अँबेसेडर म्हणून सन्मानपूर्वक निवड केली आहे . हे सर्व यश मिळवणार्या या भागातील त्या प्रथम महिला आहेत. शीतल चौधरी या उद्योगपती व समाजसेवक अशोक व सौ मीनाताई यांच्या स्नुषा आहेत तर उद्योगपती व लायन्स क्लबचे माजी सचिव सतीश चौधरी यांच्या पत्नी आहेत . आपणास मिळालेले यश हे घरच्यांच्या पाठींबा व प्रोत्साहन व साथ यामुळेच लाभले असल्याचे कृतज्ञापूर्वक शीतल चौधरी यांनी व्यक्त केले.या यशाबद्दल त्याचे सर्व स्तरातन अभिनंदन होत आहे.
