नेमसुशिल विद्यामंदिरात महात्मा गांधी यांच्या पुण्यतिथीनिमित्त अभिवादन

तळोदा l प्रतिनिधी
शहरातील नेमसुशिल विद्यामंदिरात महात्मा गांधी यांच्या पुण्यतिथीनिमित्त अभिवादनपर कार्यक्रम घेण्यात आला सदर कार्यक्रमात प्राचार्य सुनिल परदेशी, प्रिन्सिपल पी. डी.शिंपी, मुख्याध्यापक गणेश सर, श्री.बेलेकर, रविंद्र गुरव, सचिन पाटील आदिंनी प्रतिमेचे पूजन करून अभिवादन केले.
सदर कार्यक्रम प्रसंगी छोटेखानी चर्चासत्र देखील आयोजित करण्यात आले. यावेळी गांधीजींच्या ऐतिहासिक आठवणींना उजाळा देण्यात आला. त्यात मिठाचा सत्याग्रह, परदेशी कपडे बहिष्कार, भारत छोडो आंदोलन करो या मरो अशा विविध विषयांवर चर्चा करण्यात आली.
यावेळी विद्यामंदिरातील शिक्षक संदीप चौधरी, देवेंद्र शिंपी, अरुण कुवर, चंद्रकांत भोई, कमलेश पाटील, सागर मराठे, श्री.बैसाने, श्री. सोजळ, सुदाम मुजगे, मिलिंद पाटोळे, श्री.बादल, नितीन भामरे, शैलेंद्र पाटील, समाधान मराठे, ईश्वर मराठे आदि शिक्षक व शिक्षकेतर कर्मचारी उपस्थित होते.