नंदुरबार | प्रतिनिधी
धडगांव तालुक्यातील वडफळ्या येथे मनाई आदेशाचे उल्लंघन करून लग्नात गर्दी जमविल्याप्रकरणी एकाविरूध्द धडगांव पोलीस ठाण्यात गुन्हा दाखल करण्यात आला आहे. याबाबत पोलीस सुत्रांनी दिलेल्या माहितीनुसार, धडगांव तालुक्यातील वडफळ्यात येथे राहणार्या पिटा अमरसिंग वळवी याने जिल्हाधिकारी यांनी दिलेल्या मनाई आदेशाचे उल्लंघन करून सामाजिक अंतर न ठेवता लग्न समारंभाचे आयोजन करून ६० ते ७० लोकांना एकत्र करत पारंपारीक वाद्य वाजवून कोरोना विषाण फैलाव असे कृत्य करतांना आढळून आला म्हणून पोना प्रमोद इंदास यांच्या फिर्यादीवरून पिटा अमरसिंग वळवी याच्या विरूध्द भादंवि कलम १८८, २६९, २९० प्रमाणे गुन्हा दाखल करण्यात आला आहे. याप्रकरणी पुढील तपास पोहेकॉ राजेंद्र जाधव करीत आहेत.
