नंदुरबार l प्रतिनिधी
नंदुरबार तालुक्यातील अमळथे येथील युवकाच्या मृत्यू प्रकरणी वीज विद्युत प्रवाह खंडीत न केल्याने झाल्या असल्याचे गैरसमज करीत एम.एस. सी.बी. सबस्टेशन कोपर्ली येथील ऑपरेटर ला मारहाण करून सार्व संपत्ती मालमत्तेच नुकसान केल्याप्रकरणी अमळथे येथील दोघां विरूद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार, एम.एस. सी.बी. सब स्टेशन कोपर्ली येथील ऑपरेटर फिर्यादी ललित किशोर चंदने याने हाटमोहिदा वीज विद्युत प्रवाह खंडीत न केल्याने नंदूरबार तालुक्यातील अमळथे येथील पंकज गिरासे मरण पावला असा गैरसमज करून दिपक गिरासे,मानसिंग गिरासे यांनी वरील कारणावरुन एमएससीबी. सबस्टेशन कोपर्ली येथे कर्तव्यावरील फिर्यादी ऑपरेटर ललित चंदने यास संगनमत करुन हाताबुक्यांनी तसेच लाथाबुक्यांनी मारहाण करुन त्याचे उजव्या खांदयावर तसेच छातीस पाठीस उजव्या बरगडीस दुखापत करुन वाईट वाईट शिवीगाळ करुन जिवे ठार मारण्याची धमकी दिली तसेच सार्व संपत्ती मालमत्तेच नुकसान केले म्हणुन ललित किशोर चंदने रा दोंडाईचा. ता. शिंदखेडा याच्या फिर्यादीवरून दिपक गिरासे, मानसिंग गिरासे दोन्ही रा.अमळथे, ता. नंदुरबार यांच्या विरूद्ध नंदूरबार तालुका पोलीस ठाण्यात भादंवि क ३५३,३२५,३२३ , ५०४,५०६,३४ सार्व मालमत्ता नुकसान क ३ प्रमाणे गुन्हा दाखल करण्यात आला आहे.याप्रकरणी पुढील तपास पोसई कमलाकर चौधरी करीत आहेत.
