नंदुरबार l प्रतिनिधी
नंदुरबार तालुक्यातील भालेर येथील श्रीमती क.पु.पाटील माध्य. व उच्च माध्यमिक विद्यालय येथे जिजाऊ ते सावित्री सन्मान महाराष्ट्राच्या लेकींचा हा उपक्रम राबविण्यात आला.
राष्ट्रमाता जिजाऊ व स्वामी विवेकानंद यांची जयंती साजरी करण्यात आली.संस्थेचे अध्यक्ष भास्करराव हिरामण पाटील यांच्या हस्ते राष्ट्रमाता जिजाऊ व स्वामी विवेकानंद ,सावित्रीबाई फुले यांच्या प्रतिमेचे पूजन केले. व पुष्पहार अर्पण केला.यावेळी पी.पी.बागुल, मुख्याध्यापिका सौ. विद्या चव्हाण, प्राध्यापिका सौ. कविता चंद्रशेखर पाटील, पर्यवेक्षक ए.व्ही.कुवर यांच्यासह सर्व कर्मचारी वृंद यांनी प्रतिमेचे पूजन केले. यावेळी इयत्ता पाचवी ब, इयत्ता सहावी ब, इयत्ता सातवी ब या वर्गातील विद्यार्थिनींनी राष्ट्रमाता जिजाऊ व सावित्रीबाई फुले यांची वेशभूषा करीत या स्पर्धेत भाग घेतला होता. त्यात त्यांचे क्रमांक काढण्यात आले तसेच वरील विद्यार्थिनीने “मी सावित्री बोलते” एकपात्री नाटिका सादर केली. पोवाडे ,ओव्या,स्वामी विवेकानंद -यांच्या उठा जागे व्हा जोपर्यंत ध्येयापर्यंत पोहोचत नाही तोपर्यंत थांबू नका या विषयावर विद्यार्थिनींनी मनोगत व्यक्त केले. सूत्रसंचालन व्ही.व्ही. ईशी यांनी केली.कार्यक्रम यशस्वीतेसाठी विद्यालयातील पर्यवेक्षक, शिक्षक, शिक्षिका, शिक्षकेतर कर्मचारी यांनी परिश्रम घेतले.
