नंदूरबार l प्रतिनिधी
नवापूर तालुक्यातील विसरवाडी आठवडे बाजारात कोरोना प्रतिकृती तयार करून जनजागृती करण्यात आली.
सध्या कोरोनाच्या नव्या संसर्गाची भिती पसरली आहे. त्यामुळे प्रशासन सतर्क झाले असून कोरोना नियमांच्या पालनास सह लसीकरण मोहीमेवर भर दिला जात आहे. नंदुरबार जिल्ह्यात एन.एस. ई. च्या आर्थिक सहकार्य व नंदुरबार जिल्हा परिषद यांच्या संयुक्त विद्यमाने सी.वाय.डी.ए. संस्था संपुर्ण जिल्ह्यात प्रकल्प कवच राबवत आहे.
नवापूर तालुक्यातील विसरवाडी आठवडे बाजारात प्रत्येक विक्रेत्यास व बाजार करणाऱ्या ग्राहकास आणि ग्रामस्थांना कोरोना प्रतिबंधात्मक लसीकरणाबाबत जनजागृती करण्यात आली.
कोरोना प्रतिकृती तयार करून ग्रामीण भागातील गावांमध्ये लसीकरण प्रमाणात वाढ करण्यासाठी विविध माध्यमातून जनजागृती करणे, लसीकरण शिबिर मध्ये सहकार्य करणे, वाहतूक व्यवस्था करणे, समुपदेशन करून नागरिकांना लसीकरण बाबत असणारी भीती व गैरसमज दूर करणे, मास्क लावून फिरणे, सोशल डिस्टन्स अवलंबून सेनिटाइझर वापर करावा तसेच कोरोना प्रतिबंधात्मक जनजागृति उपक्रम राबविण्यात येत आहे. नवापूर तालुक्यातील विसरवाडी आठवडे बाजारात कोरोना प्रतिबंधात्मक लसीकरण जनजागृती उपक्रम राबविण्यात आला.
