नंदूरबार l प्रतिनिधी
नंदुरबार येथील महाराष्ट्र राज्य सहकारी आदिवासी विकास महामंडळातर्फे ज्वारी खरेदीसाठी शेतकऱ्याकडून 5 हजाराची लाच स्विकारतांना महाराष्ट्र राज्य सहकारी आदिवासी विकास महामंडळाचे कर्मचारी कनिष्ठ सहायक व चौकीदार यांनानंदुरबार येथील लाचलुचपत प्रतिबंधक विभागाच्या पथकाने रंगेहात पकडले .
याबाबत अधिक माहिती अशी की, यातील मुळ तक्रारदार हे शेती व्यवसाय करतात . तक्रारदार यांची करणखेडा गाव शिवारात नंदुरबार रस्त्यावर गट नं २७ व ११२ मध्ये ३० एकर शेत जमिन आहे . सदर शेती तक्रारदार यांच्या वडिलांच्या नावावर आहे . सन २०२१ मध्ये दिवाळीच्या सुमारास निघालेली अंदाजे २०० क्विंटल ज्वारी त्यांच्या करणखेडा येथील त्यांचे गोडावून मध्ये ठेवलेली आहे . सदर ज्वारी खराब असल्याचे सांगून तुझी ज्वारी तु विकू शकत नाही , असे नंदुरबार येथील महाराष्ट्र राज्य सहकारी आदिवासी विकास महामंडळाचे कर्मचारी कनिष्ठ सहायक अजय किका पाडवी आणि चौकीदार रामसिंग प्रतापसिंग गिरासे यांनी सांगितले व तुला जर ज्वारी विकायची असेल तर प्रति क्विल २०० रूपये प्रमाणे द्यावे लागतील , अशी मागणी केली . तडजोडीअंती प्रती क्विंटल ५० रूपये लागतील अशी मागणी केली . ती ५ हजार रु लाचेची रक्कम आज दि. ७ जानेवारी २०२२ रोजी टोकरतलाव ता . जि . नंदुरबार येथील धान्य गोदामात स्विकारली . त्यावेळी पंचसाक्षीदारां समक्ष रंगेहाथ पकडण्यात आले . ही कामगिरी पोलीस उपअधीक्षक राकेश चौधरी , पोलीस निरीक्षक , समाधान महादु वाघ , पोलिस हवालदार उत्तम महाजन , विजय ठाकरे , विलास पाटील , पोलिसनाईक अमोल मराठे , चिले , महाले या पथकाने केली .कोणत्याही शासकीय , निमशासकीय कार्यालयांमध्ये कोणी अधिकारी कर्मचारी किंवा त्यांच्या वतीने इतर खाजगी इसम लाच करप्शन ब्युसे , नंदुरबार कार्यालयाशी दूरध्वनी नंबर ( ०२५६४ ) २३००० ९ , मोबाईल नंबर . ८८८८८०५१०० व टोल फ्री क्र . १०६४ वर संपर्क साधावा , असे आवाहन पोलीस उप अधीक्षक अँटी करप्शन ब्युरो , नंदुरबार यांनी केले आहे.
