नवापूर | प्रतिनिधी
नवापर तालुक्यात वनविभागाचे कर्मचारी रात्री पेट्रोलिंग करत असतांना त्यांना बघताच दुचाकी फेकुन एकाने धुम ठोकली वनविभागाने दुचाकीसह १३ नग साग चौपाट असा १ लाखाचा मुद्देमाल जप्त केला.
याबाबत अधिक माहिती अशी की, सहाय्यक वनसंरक्षक नंदुरबार (प्रादेशिक व वन्यजीव),वनक्षेत्रपाल नवापूर प्रा. व वनक्षेत्र स्टॉप नवापूर प्रादेशिक सह रात्री पेट्रोलिंग करतांना अज्ञात इसम मोटार सायकल वरून साग चौपाट वाहतूक करताना दिसला तरी त्यांचा पाठलाग केला असता सदर इसमाने मोटार सायकल १ व साग चौपाट १३ नग, फेकून पसार झाला. वनविभागाने मोटार सायकल (क्र. जी.जे.२१,एन- ००७१) व साग चौपाट नग जप्त करून नवापूर येथे पावतीने जमा केला. जप्त मालाची बाजार भावानुसार किंमत १ लाख रुपये आहे सदर कारवायी सहाय्यक वनसंरक्षक प्रादेशिक व वन्यजीव नंदुरबार धनंजय ग.पवार व वनक्षेत्रपाल स्नेहल अवसरमल, भिवाजी दराडे,वनपाल खेकडा, ए.एम.शेख ,वनपाल बोरझर, सुनिता पाटील वनपाल वडकळंबी, वनरक्षक संतोष गायकवाड, दीपक पाटील, लक्ष्मण पवार, गिरीश वळवी,भाग्यश्री पावरा, अमोल गावित,अनिल वळवी , कमलेश वसावे, वाहन चालक साहेबराव तुंगार, दिलीप गुरव आदींनी केल.सहाय्यक वनसंरक्षक नंदुरबार वनविभाग शहादा यांच्याकडून जनतेस आवाहन करण्यात येते की, वन व वन्यजीव तसेच अवैधवाहतूक लाकूड संबधित कुठाला गैरप्रकार निदर्शनास आल्यास तात्काळ टोल फ्री नंबर १९२६ वर संपर्क करावा असे आवाहन वनविभागाने केले आहे.
