नंदुरबार | प्रतिनिधी-
नंदूरबार तालुक्यातील भालेर येथील शिवदर्शन विद्यालय व कनिष्ठ महाविद्यालयात “मासिक पाळी व्यवस्थापन”*या विषयावर डॉ. अमृता तूपकर यांचे ऑनलाईन व्याख्यान आयोजित केले होते.
याप्रसंगी शाळेचे मुख्याध्यापक एस. एम. मंसूरी यांच्या मार्गदर्शनात इयत्ता सहावी ते दहावी पर्यंतच्या सर्व विद्यार्थिनींसाठी कार्यक्रमाचे आयोजन करण्यात आले. डॉ. तुपकर यांनी मासिक पाळीच्या काळात घ्यावयाची काळजी, आरोग्य संदर्भातील स्वच्छता, वापरावयाची शोषणे याबद्दल अतिशय सविस्तर माहिती दिली. विद्यार्थ्यांनी विचारलेल्या प्रश्नांची उत्तर पण दिलीत. या कार्यक्रमाच्या यशस्वितेसाठी शाळेचे पर्यवेक्षक व्ही. जे. पाटील, ए.एस.पाटील, व्ही. जे. पटेल, श्रीमती. एम.बी. देसले, एन बी. पाटील, डी.टी.मोरे, जे.जी. सोलंकी व सर्व शिक्षकेत्तर बंधू यांनी परिश्रम घेतले. सूत्र संचालन एन. जी. पाटील व आभार मोरे यांनी मानले.
