महाराष्ट्र अंनिसच्या वतीने ” द दारूचा नव्हे, द दुधाचा ” कार्यक्रम उत्साहात

म्हसावद l प्रतिनिधी
चला व्यसनाला बदनाम करु या या मोहिमे अंतर्गत महाराष्ट्र अंधश्रद्धा निर्मूलन समितीच्या शहादा शाखेच्या वतीने ” द दारूचा नव्हे, द दुधाचा ” कार्यक्रम घेऊन प्रबोधन करण्यात आले.
शहरातील जनता चौकात झालेल्या या कार्यक्रम प्रसंगी माजी जिल्हाध्यक्ष डॉ.शशांक कुलकर्णी, ज्येष्ठ नागरिक संघाचे एडवोकेट गोविंदभाई पाटील, माजी उपनगराध्यक्ष अरविंद कुवर, सरसय्यदचे चेअरमन लियाकत अली सय्यद , सेवादलाचे जिल्हाध्यक्ष आर.टी. पाटील, जायण्टसचे भूषण बाविस्कर, राष्ट्रवादी काँग्रेसचे तालुकाध्यक्ष सुरेंद्र कुवर, अंनिसचे जिल्हाध्यक्ष रविंद्र पाटील आदी मान्यवर उपस्थित होते.
याप्रसंगी डॉ. शशांक कुलकर्णी यांनी व्यसनाचा मानवी जीवनावर आणि समाजात होणाऱ्या विविध परिणामांची सविस्तर माहिती दिली. शहरांमध्ये विशेषतः तरुण मुलींमध्ये व्यसनाचे प्रमाण वाढत असल्याबद्दल त्यांनी चिंता व्यक्त केली.याप्रसंगी आर. टी. पाटील, लियाकत अली सैय्यद यांनी देखील मनोगत व्यक्त केले. सूत्रसंचालन रविंद्र पाटील यांनी केले तर आभार संगीता पाटील यांनी केले.कार्यक्रमाच्या यशस्वीतेसाठी संतोष महाजन, प्रदीप केदारे, श्रीकांत बाविस्कर, सुवर्णा जगताप, भूषण बाविस्कर,पुष्कर बाविस्कर,भटू वाकडे ,हृदयेश चव्हाण, विजय बोदरे ,विनायक सावळे आदी कार्यकर्त्यांनी परिश्रम घेतले.