तळोदा तालुक्यात जि.प.अध्यक्षांच्या हस्ते रस्ते कामांचे भूमिपूजन

तळोदा l प्रतिनिधी
तळोदा तालुक्यातील जि. प.अंतर्गत जिल्हा वार्षिक आदिवासी उपयोजना अंतर्गत रस्ते कामाचे उदघाटन जि. प.अध्यक्षा ॲड.सिमा वळवी यांच्या हस्ते करण्यात आले.
तालुक्यात जिल्हा परिषदेतर्गत जिल्हा वार्षिक आदिवासी उपयोजना अंतर्ग मंजूर तीन रस्ते कामांच्या उद्घाटन कार्यक्रम झाले. यावेळी
मोदलपाडा गावाच्या दक्षिणेस असलेल्या गुजरात राज्याच्या हद्दीपर्यंत जाणारा रस्ता व मोदलपाडा गावाच्या दक्षिणेकडून असलेल्या सतोना गावाकडे जाणारा रस्त्याचे तसेच मोदलपाडा पुलापासून ते काकलपूर गावाकडे जाणारा रस्त्यांचे उद्घाटन करण्यात आले.
या रस्ता कामाचे उदघाटन जि. प.अध्यक्षा ॲड. सिमा वळवी यांच्या हस्ते करण्यात आले.यावेळी गुजरात राज्यात जोडणारा महत्वाचा असलेला रस्ता व शेतशिवारात जाण्यासाठी उपयुक्त ठरणाऱ्या रस्त्याच्या कामामुळे शेतकऱ्यानी समाधान व्यक्त केले आहे. यावेळी जि. प.सदस्य सुहास नाईक, प.स.सदस्य सुमनबाई वळवी, प.स.सदस्य सोनीताई पाडवी, तालुका काँग्रेस कमिटीचे अध्यक्ष रोहिदास पाडवी.
तसेच माजी सरपंच अर्जुन वळवी,माजी सरपंच धर्मेंद्र वळवी, पो.पाटील विलास पाडवी, ग्रा.प.सदस्य जगदीश पाडवी, माजी सरपंच शालमसिंग पाडवी, ग्रा.प.सदस्य सूरज पाडवी, उखड्या वळवी आदी उपस्थित होते.