म्हसावद l प्रतिनिधी
शहादा येथील अटल बिहारी वाजपेयी सार्वजनिक वाचनालयाचा प्रथम वर्धापन दिन आणि भारतरत्न अटल बिहारी वाजपेयी यांच्या जयंती निमित्ताने आदरांजली अर्पण करण्यात आली.
वाचनालयाच्या अध्यक्ष प्रा ज्ञानी कुलकर्णी यांनी वाजपेयींच्या प्रतिमेला पुष्पहार अर्पण करून आदरांजली अर्पण केली.वाजपेयींना वाचणाचा खूप व्यासंग होता. त्यामुळे ते उत्तम वक्ता, कवी,अभ्यासू राजकिय नेते म्हणून नावाजलेले व्यक्ती प्रसिद्ध झाले. असे प्रतिपादन ज्ञानी कुलकर्णी यांनी केले. या प्रसंगी वाचनालयाचे उपाध्यक्ष शिवपाल जांगिड, संचालक के. के .सोनार, डॉ. वसंत पाटील, पिनाकिन पटेल, अमर छाबरिया वाचनालयाचे वाचक संजय कासदेकर, यशवंत पाटील, विजय मुसळदे, मारुती चोपडे, अरुण मोहिते, मंगेश कोळी आदी उपस्थित होते सर्व उपस्थितांनी प्रतिमा पूजन करून वाजपेयी यांना आदरांजली वाहिली.
