नंदूरबार l प्रतिनिधी
विसरवाडी पोलीस स्टेशन हद्यीत सोनपाडा गाव शिवारातील शेतात दादर पिकावर बसलेल्या चिमण्या उडवत असतांना १२ वर्षीय बालिकेचा विनयभंग करणाऱ्या खैरवे ता.नवापुर जि . नंदुरबार येथील आरोपीस जिल्हा सत्र न्यायालयाने ५ वर्ष सश्रम कारावास व रुपये ५ हजाराचा दंडाची शिक्षा ठोठावली आहे .
याबाबत पोलीस सूत्रांनी दिलेल्या माहितीनुसार, दि.२४ जानेवारी 2020 रोजी सकाळी ८ ते ८.३० वाजेच्या दरम्यान फिर्यादी महिला रा . पालीपाडा ता.नवापुर जि.नंदुरबार या घरी असतांना त्यांच्या चुलत भावाच्या मुलीने फोन करुन शेतात तात्काळ येण्याचे सांगितले होते , म्हणून फिर्यादी या शेतात गेल्या असता त्यांच्या बहीणीची पिडीत मुलगी ही शेतात दादर पिकावरील चिमण्या उडवत होती . तेव्हा तिला एका माणसाने मागुन येऊन तिच्या मनात लज्जा निर्माण होईल व तिला वाईट वाटेल असे घाणेरडे कृत्य करुन तिचा विनंयभंग केला होता . त्यामुळे ती प्रचंड घाबरुन रडायला व आरडाओरडा करायला लागली होती . तेव्हा आजुबाजुच्या शेतातील लोकांनी आरोपीचे ताब्यातुन पिडीत मुलीस सोडवुन त्यास पकडुन ठेवलेले होते . त्यावेळी आरोपी याने त्याचे नाव जयंत एमथा गावीत . रा . खैरवे ता.नवापुर जि . नंदुरबार असे सांगितले . आरोपी याने सदरचे घाणेरडे कृत्य केल्यामुळे विसरवाडी पोलीसांनी तातडीने विनयभंग व पोक्सो कायदयान्वये भा.द.वि.क. ३५४ , बा.लै.अ.का.क. ( पोक्सो ) – ८ व १० अन्वये आरोपीविरुध्द गुन्हा नोंदवुन त्यास तात्काळ सदर गुन्हयात अटक केली होती . सदर खटल्याची सुनावणी राजेश एस . तिवारी , प्रमुख जिल्हा व सत्र न्यायाधीश, नंदुरबार यांच्या कोर्टात होवुन आरोपी जयंत एमथा गावीत . रा . खैरवे ता.नवापुर जि.नंदुरबार यांच्या विरुध्द सर्व कलमान्वये गुन्हा शाबीत झाल्याने न्यायालयाने सदर आरोपीस ५ वर्ष सश्रम कारावास व रुपये ५ हजाराचा दंडाची शिक्षा सुनावली आहे . सदर गुन्हयाचे तपास अधिकारी पोलीस उपनिरीक्षक चंद्रकांत शिंदे ( सेवा निवृत्त ) यांनी आरोपी विरुध्द सबळ पुरावे प्राप्त करुन न्यायालयात दोषारोपपत्र सादर केले होते . खटल्याचे कामकाज पाहणारे अतिरीक्त जिल्हा सरकारी वकील ॲड . तुषार कापडीया तसेच पैरवी अधिकारी म्हणुन पोहेकॉ नितीन सावळे व पोना गिरीष पाटील यांनी कामकाज केले आहे . तपास अधिकारी व त्यांचे पथक आणि सरकारी वकील यांचे पोलीस अधीक्षक , नंदुरबार श्री . पी . आर . पाटील व अपर पोलीस अधीक्षक विजय पवार यांनी अभिनंदन केले आहे .
