एस. ए. मिशन हायस्कूल व कनिष्ठ महाविद्यालय येथे ख्रिसमसनिमित्त सांस्कृतिक कार्यक्रम

नंदूरबार l प्रतिनिधी
एस.ए. मिशन ट्रस्ट संचलित एस. ए. मिशन हायस्कूल व कनिष्ठ महाविद्यालय येथे ख्रिसमस निमित्त विविध सांस्कृतिक कार्यक्रमांचे आयोजन करण्यात आले होते.
यावेळी संस्थेचे चेअरमन पठारे, कार्यकारी संचालक डॉ. राजेश वळवी, प्राचार्य सौ. नूतनवर्षा वळवी, उपमुख्याध्यापक व्ही. आर. पवार, पर्यवेक्षिका वंदना जांबिलसा, पर्यवेक्षक मीनल वळवी, ज्यू.कॉ. चे पर्यवेक्षक सि.पी. बोरसे, ज्येष्ठ शिक्षक ए. आर. गर्गे आदी उपस्थित होते. ह्या वेळी सर्व उपस्थित मान्यवरांचे स्वागत सत्कार करण्यात आले व मान्यवरांना ख्रिसमस निमित्त भेटकार्ड देण्यात आले, व उपस्थित मान्यवरांनी सर्व शिक्षकांच्या वतीने ख्रिसमस निमित्त केक कापण्यात आले.

सुरवातीस चेअरमन जे.एच.पठारे यांनी प्रार्थना केली तसेच सौ.रीना वळवी यांनी वचन वाचन केले यावेळी मेमोरियल चर्च चे धर्मगुरू अनुप वळवी यांनी बायबल वाचन केले व प्राचार्य नूतनवर्षा वळवी यांनी मनोगत व्यक्त करतांना शुभेच्छा देतांना म्हणाल्या की नाताळ हा सण संपूर्ण जगात साजरा केला जाणारा सण असून हा सण संपूर्ण विश्वामध्ये प्रिती वाढवण्याचे कार्य करतो, यानंतर इयत्ता पाचवीच्या विद्यार्थ्यांनी झिंगल बेल, सहावी, सातवी, व आठवीच्या विद्यार्थ्यांनी टॅबलो ख्रिस्त जन्म देखावा व जॉय टू द वर्ड, इयत्ता दहावीच्या विद्यार्थ्यांनी आया हु मै यहा येशु के दरबार मे, इयत्ता नववीच्या विद्यार्थ्यांनी गोवानिस डान्स, इयत्ता अकरावीच्या विद्यार्थ्यांनी वन अँड ओन्ली डान्स सादर केले,सदर कार्यक्रमाचे सूत्रसंचालन मनिष पाडवी यांनी केले तर आभार प्रसाद दीक्षित यांनी मानले.