नंदूरबार l प्रतिनिधी
धडगाव वडफळ्या रोषमाळ बु. नगरपंचायतिच्या 17 जागांसाठी मतदान होत असून, दुपारी 1.30 वाजेपर्यंत 60.42 टक्के शांततेत मतदान झाले.
धडगाव वडफळ्या रोषमाळ बु. नगरपंचायतिच्या १७ जागांसाठी आज मतदान होत आहे. नगरपंचायतिच्या मतदानासाठी सतरा मतदान केंद्र नियुक्त करण्यात आली आहेत.सकाळपासूनच मतदारांमध्ये उत्साहाचे वातावरण दिसून आले.या निवडणुकीत 48 उमेदवार आपलें नशीब आजमावत आहे. मतदान प्रक्रियेत नगरपंचायतिच्या 17 वार्डातील एकूण 7 हजार 523 मतदार आपला मतदानाचा हक्क बजावत आहेत असून यात पुरुष मतदार 3 हजार 711 व स्त्री मतदार 3 हजार 712 आहेत. आज सकाळी ७.३० वाजेपासून प्रत्यक्ष मतदानाला सुरुवात झाली.सकाळी ७.३० ते 9.30 वाजेपर्यंत 14.94 टक्के मतदान झाले होते.तर 11.30 वाजेपर्यंत 37.87 टक्के मतदान झाले होते.दरम्यान 1. 30 वाजेपर्यंत 2 हजार 210 पुरुषांनी तर 2 हजार 336 महिला अशा 4 हजार 546 मतदारांनी आपला मतदानाचा हक्क बजावला सकाळी 7.30 ते दुपारी 1.30 वाजेपर्यंत धडगाव नगरपंचायतीसाठी एकूण 60. 42 टक्के मतदान झाले.सर्व मतदान केंद्रांवर शांततेत मतदान होत आहे.यावेळी मोठ्या प्रमाणावर पोलीस बंदोबस्त लावण्यात आला आहे.
